കോട്ടയം: കോട്ടയം പൊന്‍പള്ളി ഞാറയ്‌ക്കലില്‍ ബി.എസ്.എന്‍.എല്‍. മൊബൈല്‍ ടവര്‍ പണിക്കിടെ ടവറിന്റെ മുകളില്‍ നിന്നു വീണു യുവാവു മരിച്ചു. കോട്ടയ്‌ക്കുപുറം ആനിത്തോട്ടത്തില്‍ ജെല്‍ബിയുടെ മകന്‍ ഗോഡ്സണ്‍ പോള്‍(19) ആണു മരിച്ചത്. ബി.എസ്.എന്‍എല്‍ ടവര്‍ 4ജിയിലേക്കു മാറ്റുന്നതുമായി ബന്ധപ്പെട്ട് ടവറിന്റെ മുകളില്‍ പ്രവര്‍ത്തനങ്ങള്‍ നടത്തുന്നതിനിടെ താഴേയ്‌ക്കു വീഴുകയായിരുന്നു. ഒപ്പം ഉണ്ടായിരുന്നവര്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം കോട്ടയം മെഡിക്കല്‍ കോളജ് മോര്‍ച്ചറിയില്‍. മാതാവ്: മിനി. സഹോദരങ്ങള്‍: ബ്ലസണ്‍ പോള്‍, ഡെയ്സണ്‍ പോള്‍. സംഭവത്തില്‍ പോലീസ് കേസെടുത്തു.
Saturday, January 18, 2025
നിര്‍മാണ ജോലിക്കിടെ ബി.എസ്.എന്‍.എല്‍. മൊബൈല്‍ ടവറില്‍ നിന്നു വീണ് യുവാവ് മരിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: