അങ്കമാലി : അന്തർ സംസ്ഥാന കവർച്ച കേസിലെ പ്രതിയെ കാപ്പ ചുമത്തി ജയിലിലടച്ചു. കറുകുറ്റി പാദുവപുരം കരിപ്പാല ഭാഗത്ത് ചക്കിച്ചേരി വീട്ടിൽ ആൻ്റണി ലൂയീസ് (ആൻ്റപ്പൻ 23) നെയാണ് കാപ്പ ചുമത്തി വിയ്യൂർ സെൻട്രൽ ജയിലിൽ അടച്ചത്.
ജില്ലാ പോലീസ് മേധാവി ഡോ.വൈഭവ് സക്സേനയുടെ റിപ്പോർട്ടിന്റെ അടിസ്ഥാനത്തിൽ എറണാകുളം ജില്ലാ കളക്ടർ എൻ.എസ്.കെ ഉമേഷാണ് ഉത്തരവിട്ടത്. കാസർഗോഡ്, കൊരട്ടി, കൂത്തുപറമ്പ്, കർണ്ണാടക സംസ്ഥാനത്തെ ബഗാഡി, യെല്ലാപൂര പോലീസ് സ്റ്റേഷൻ പരിധികളിൽ ഹൈവേ കേന്ദ്രീകരിച്ച് കവർച്ച ചെയ്യുന്ന സംഘത്തിലെ പ്രധാന പ്രതിയാണ്.
കഴിഞ്ഞ സെപ്റ്റംബറിൽ മട്ടന്നൂർ കൂത്തുപറമ്പ റോഡിൽ കണ്ടംകുന്ന് ഭാഗത്ത് നിർമ്മലഗിരി കോളേജിന് സമീപം കാർ യാത്രക്കാരിൽ നിന്ന് 3 കോടി 75 ലക്ഷം രൂപ കവർച്ച ചെയ്തതിന് കൂത്തുപറമ്പ് പോലീസ് രജിസ്റ്റർ കേസിലെ മുന്നാം പ്രതിയായതിനെ തുടർന്നാണ് നടപടി.
അങ്കമാലി പോലീസ് ഇൻസ്പെക്ടർ ആർ .വി അരുൺകുമാറിന്റെ നേതൃത്വത്തിൽ എസ്ഐ കെ. എ പോളച്ചൻ, എഎസ്ഐ പി.വി ജയശ്രീ, സീനിയർ സി.പി ഒ എസ്.ജി പ്രഭ, സി.പി.ഒ സി.പി ഷിഹാബ് എന്നിവരുൾപ്പെടുന്ന സംഘമാണ് ഇയാളെ അറസ്റ്റ് ചെയ്തത്.
