ന്യൂദല്ഹി: അന്തരിച്ച ഇതിഹാസ നടന് രാജ് കപൂറിന്റെ 100ാം ജന്മവാര്ഷിക ആഘോഷത്തിന് പ്രധാനമന്ത്രി മോദിയെ ക്ഷണിക്കാന് കപൂര് കുടുംബം ഒന്നടങ്കം ദല്ഹിയിലേക്ക് പോയിരുന്നു. ഇതില് കരീന കപൂറിന്റെ ഭര്ത്താവായ സെയ്ഫ് അലിഖാനും ഉണ്ടായിരുന്നു. സെയ്ഫ് അലിഖാനും പ്രധാനമന്ത്രിയും തമ്മിലുള്ള സംഭാഷണം അതിവേഗം സമൂഹമാധ്യമങ്ങള് ഏറ്റെടുത്തു
https:/twitter.com/RoshanKrRaii/status/1866866302339649625
അതീവഗൗരവത്തോടെ സെയ്ഫ് അലിഖാന് നടത്തിയ ഹ്രസ്വസംഭാഷണവും ഇതിന് മോദി നല്കിയ തമാശ കലര്ന്ന മറുപടിയുമാണ് ജനം ഏറ്റെടുത്ത്. “ഞങ്ങള്ക്കായി വാതില് തുറന്ന് നല്കിയതിന് പ്രധാനമന്ത്രിക്ക് അഭിനന്ദനം. ഇത്രയധികം അധ്വാനിച്ചിട്ടും താങ്കളിലുള്ള ഈ ഊര്ജ്ജം അത്ഭുതപ്പെടുത്തുന്നു.”- ഇങ്ങിനെയെല്ലാമാണ് സെയ്ഫ് അലിഖാന് പ്രസംഗിച്ചത്.
“താങ്കളുടെ പിതാവിനെ ഞാന് കണ്ടിട്ടുണ്ട്. ഇപ്പോള് താങ്കളേയും കാണാന് സാധിച്ചു. പക്ഷെ താങ്കളുടെ മൂന്നാം തലമുറയെ കാണാന് കഴിയാത്തതില് ഖേദിക്കുന്നു (സെയ്ഫിന്റെ മകനായ തൈമൂറിനെയും രണ്ബീറിന്റെ മകനെയും ആണ് മോദി ഉദ്ദേശിച്ചത്).. താങ്കള് അവരെ കൊണ്ടുവന്നില്ല. “- ഇത്രയും പറഞ്ഞതോടെ മോദിയുടെ പ്രസംഗം കേട്ടിരുന്ന കപൂര് കുടംബത്തിലെ എല്ലാവരും പൊട്ടിച്ചിരിച്ചു. മോദിയും ഉറക്കെ പൊട്ടിച്ചിരിച്ചപ്പോള് സെയ്ഫ് അല്പം ജാള്യതയോടെയാണ് ഇരുന്നത്. “ഞങ്ങള് മക്കളെ കൊണ്ടുവരണമെന്ന് വിചാരിച്ചതാണ്.”- മോദിയ്ക്ക് മറുപടിയായി കരീന കപൂര് പറഞ്ഞു. രണ്ബീര് കപൂര്, ആലിയ ഭട്ട്, സെയ്ഫ് അലിഖാന്, കരീനകപൂര്, റീമ ജെയിന്, നീതു സിങ്ങ് തുടങ്ങിയവരെല്ലാം മോദിയെ ക്ഷണിക്കാന് എത്തിയിരുന്നു. കപൂര് കുടുംബം ഒന്നടങ്കം പ്രത്യേക വാഹനത്തിലാണ് ദല്ഹിയില് എത്തിയത്.
