ന്യൂദൽഹി : അടുത്ത വർഷത്തെ ഇന്ത്യയുടെ ഹജ്ജ് ക്വാട്ട 1,75,025 തീർഥാടകരെന്ന കണക്കിൽ സൗദി അറേബ്യ നിശ്ചയിച്ചിട്ടുണ്ടെന്ന് സർക്കാർ രാജ്യസഭയെ അറിയിച്ചു. പാർലമെൻ്റിന്റെ ഉപരിസഭയിലെ ഒരു ചോദ്യത്തിന് രേഖാമൂലമുള്ള മറുപടിയിൽ ന്യൂനപക്ഷകാര്യ മന്ത്രി കിരൺ റിജിജു ആണ് ഇക്കാര്യം അറിയിച്ചത്.
നിശ്ചയിച്ചിട്ടുള്ളവ ഹജ് കമ്മിറ്റി ഓഫ് ഇന്ത്യ (എച്ച്‌സിഒഐ), ഹജ് ഗ്രൂപ്പ് ഓർഗനൈസർമാർ (എച്ച്ജിഒ) എന്നിവർക്കുമിടയിൽ വിതരണം ചെയ്തിട്ടുണ്ടെന്നും മന്ത്രി പറഞ്ഞു. 2025 ലേക്ക് എച്ച്‌സിഒഐക്കും എച്ച്‌ജിഒകൾക്കും ഇടയിൽ 70:30 എന്ന അനുപാതത്തിലാണ് ക്വാട്ട വിതരണം ചെയ്തിരിക്കുന്നത്.
കഴിഞ്ഞ അഞ്ച് വർഷങ്ങളിൽ എച്ച്‌സിഒഐയും എച്ച്‌ജിഒയും തമ്മിലുള്ള ക്വാട്ട വിതരണം 70:30 നും 80:20 നും ഇടയിൽ വ്യത്യാസപ്പെട്ടിട്ടുണ്ടെന്ന് മന്ത്രി പറഞ്ഞു. ഈ സാഹചര്യത്തിൽ 2025ലെ എച്ച്‌സിഒഐയും എച്ച്‌ജിഒകളും തമ്മിലുള്ള ക്വാട്ട വിതരണം ലഭ്യമായ മുൻഗണനയിൽ നിന്ന് വ്യതിചലിക്കുന്നില്ലെന്നും അദ്ദേഹം കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക: