കോട്ടയം: ഡ്രൈവര്ക്ക് നെഞ്ചുവേദന അനുഭവപ്പെട്ടതിനെ തുടര്ന്ന് നിയന്ത്രണം വിട്ട സ്വകാര്യ ബസ് ഡിവൈഡറില് ഇടിച്ചു കയറി. ചങ്ങനാശേരിക്ക് സമീപത്തെ കുരിശുംമൂട് ജംഗ്ഷനിലാണ് അപകടം .
അപകടത്തെ തുടര്ന്ന് ബസ് യാത്രക്കാരായ മൂന്ന് പേര്ക്ക് പരിക്കേറ്റു. ഇവരുടെ പരുക്കുകള് സാരമുള്ളതല്ലെന്നാണ് വിവരം.ബസ് ഡ്രൈവര് വെള്ളാവൂര് സ്വദേശി പ്രദീപിനാണ് ബസ് ഓടിച്ചുകൊണ്ടിരിക്കെ നെഞ്ചുവേദന അനുഭവപ്പെട്ടത്.
ഇദ്ദേഹത്തെ സ്വകാര്യ ആശുപത്രിയില് പ്രവേശിപ്പിച്ചു.ഡ്രൈവര്ക്ക് ഹൃദയസംബന്ധമായ അസുഖമുണ്ടെന്നാണ് ലഭിക്കുന്ന വിവരം.
