മുംബൈ: ഫുൾ-സ്റ്റാക്ക് ഡ്രോൺ ടെക്‌നോളജി കമ്പനിയായ ആസ്റ്റീരിയ എയ്റോസ്പേസ് തദ്ദേശീയമായി വികസിപ്പിച്ച AT-15 നിരീക്ഷണ ഡ്രോണുകൾ ഇന്ത്യൻ പ്രതിരോധ മന്ത്രാലയത്തിന് കൈമാറി. അതുല്യമായ ബ്ലെൻഡഡ് വിംഗ് ഡിസൈൻ ഉള്ള AT-15 ഡ്രോൺ, സമുദ്രനിരപ്പിൽ നിന്ന് ശരാശരി 6000 മീറ്റർ വരെ ഉയരത്തിൽ പറക്കാനും അതിശക്തമായ കാറ്റിനെ പ്രതിരോധിക്കാനുമാവും.
120 മിനിറ്റ് വരെ ഫ്ലൈറ്റ് സമയവും 20 കിലോമീറ്റർ വരെ കാഴ്ചയുടെ വ്യാപ്തിയും ഉണ്ട്. വലിയ പ്രദേശങ്ങളിൽ നീണ്ട നിരീക്ഷണവും രഹസ്യാന്വേഷണ പ്രവർത്തനങ്ങളും ഉറപ്പാക്കുന്നു. ഉയർന്ന സൂം ശേഷിയുള്ള ഡ്രോണിലെ ഒരു സംയോജിത EO-IR പേലോഡ് പകലും രാത്രിയും ഉയർന്ന സ്റ്റാൻഡ്ഓഫ് ദൂരങ്ങളിൽ നിന്ന് നിർണായകമായ ഏരിയൽ ഇൻ്റലിജൻസ് ശേഖരിക്കുന്നത് സാധ്യമാക്കുന്നു.
ബംഗളൂരുവിലെ 28,000 ചതുരശ്രയടി വരുന്ന ഡിസൈന്‍ ആന്‍ഡ് പ്രൊഡക്ഷന്‍ കേന്ദ്രത്തിലാണ് ആസ്റ്റീരിയ എയ്റോസ്പേസ് പ്രവര്‍ത്തിക്കുന്നത്. മികച്ച ഗുണനിലവാരത്തിലുള്ള ഫ്യൂച്ചര്‍ റെഡി ഉല്‍പ്പന്നങ്ങള്‍ വികസിപ്പിക്കുന്നതിലലാണ് ഇവര്‍ ശ്രദ്ധയൂന്നുന്നത്. പ്രതിരോധം, ആഭ്യന്തര സുരക്ഷ, കൃഷി, ഓയില്‍ ആന്‍ഡ് ഗ്യാസ്, ഊര്‍ജം തുടങ്ങിയ മേഖലകളില്‍ ഉപയോഗിക്കാവുന്ന ഡ്രോണുകളാണ് ഇവര്‍ പ്രധാനമായും നിര്‍മിക്കുന്നത്. റിലയന്‍സ് ഇന്‍ഡസ്ട്രീസിന് കീഴിലുള്ള ജിയോ പ്ലാറ്റ്ഫോംസ് ലിമിറ്റഡിന്റെ സബ്സിഡിയറിയാണ് ആസ്റ്റീരിയ എയ്റോസ്പേസ്.
