കോട്ടയം:കാഞ്ഞിരപ്പള്ളി, മീനച്ചില് താലൂക്കുകളിലെ വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച അവധി. ശക്തമായ മഴയുടെ പശ്ചാത്തലത്തിലാണ് കളക്ടര് അവധി പ്രഖ്യാപിച്ചത്.
നേരത്തേ നിശ്ചയിച്ച പരീക്ഷകള്ക്ക് അവധി ബാധകമല്ല. സംസ്ഥാനത്ത് തിങ്കളാഴ്ച നാല് ജില്ലകളില് കേന്ദ്ര കാലാവസ്ഥാ വകുപ്പ് ചുവപ്പ് ജാഗ്രത പ്രഖ്യാപിച്ചു.
മലപ്പുറം, കോഴിക്കോട്, വയനാട്, കണ്ണൂര് ജില്ലകളില് ആണ് തിങ്കളാഴ്ച ചുവപ്പ് ജാഗ്രത നല്കിയിരിക്കുന്നത്. ഒറ്റപ്പെട്ടയിടങ്ങളില് അതിതീവ്രമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.
