കൊച്ചി: ചുഴലിക്കാറ്റിന്റെ സ്വാധീന ഫലമായി കേരളത്തിലും ഒറ്റപ്പെട്ടയിടങ്ങളില്‍ ദിവസങ്ങളായി ശക്തമായ മഴ തുടരുന്നുണ്ട്. ഇന്ന് മുതല്‍ 3 വരെ വിവിധയിടങ്ങളില്‍ പരക്കെ ശക്തമായ മഴയ്‌ക്ക് ഇത് കാരണമാകും.
ഇന്ന് ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്‍, പാലാക്കാട്, മലപ്പുറം ജില്ലകളില്‍ യെല്ലോ അലര്‍ട്ടുണ്ട്. നാളെ 6 ജില്ലകളിലും ഓറഞ്ച് അലര്‍ട്ടുണ്ട്. മധ്യ-വടക്കന്‍ ജില്ലകളിലാണ് മഴയ്‌ക്ക് കൂടുതല്‍ സാധ്യത. ന്യൂനമര്‍ദം തമിഴ്‌നാട്, കേരളം വഴി അറബിക്കടലിലേക്ക് നീങ്ങാനുള്ള സാധ്യതയും പ്രവചിക്കുന്നുണ്ട്. അതേ സമയം തുലാവര്‍ഷത്തില്‍ ഇതുവരെ 23 ശതമാനം മഴയുടെ കുറവുണ്ട്. 50 സെമീ ലഭിക്കേണ്ട സ്ഥാനത്ത് 35.58 സെമീ മഴയാണ് ലഭിച്ചത്. മോശം കാലാവസ്ഥയ്‌ക്കും ശക്തമായ കാറ്റിനും സാധ്യതയുള്ളതിനാല്‍ കേരള തീരത്ത് നിന്ന് മത്സ്യബന്ധനത്തിന് പോകുന്നതിനുള്ള 3 വരെ വിലക്ക് തുടരുകയാണ്.
പ്രതികരിക്കാൻ ഇവിടെ എഴുതുക: