ആലുവ : അനധികൃതമായി ചെമ്മണ്ണ് കടത്താൻ ശ്രമിച്ച വാഹനങ്ങൾ പിടികൂടി. ഇന്ന് ആലുവ കാർമൽ പമ്പിന് സമീപമുള്ള സ്വകാര്യ വ്യക്തിയുടെ പുരയിടത്തിൽ നിന്നും അനുമതിയില്ലാതെ ചെമ്മണ്ണ് കടത്താൻ ശ്രമിച്ച ആറ് ടിപ്പർ ലോറികളും ഒരു ഹിറ്റാച്ചിയുമാണ് പിടികൂടിയത്.
രണ്ട് ലോറികളിൽ മണ്ണ് നിറച്ച നിലയിലായിരുന്നു. ആലുവ ഇൻസ്പെക്ടർ എം എം മഞ്ജുദാസിന്റെ നേതൃത്വത്തിലായിരുന്നു വാഹനങ്ങൾ പിടികൂടിയത്. ഇതു സംബന്ധിച്ച റിപ്പോർട്ട് ജിയോളജിക്കൽ വകുപ്പിന് കൈമാറി വാഹനങ്ങൾ കളമശ്ശേരി എ ആർ ക്യാമ്പിലേക്ക് മാറ്റി.
പ്രതികരിക്കാൻ ഇവിടെ എഴുതുക