പത്തനംതിട്ട ; ശബരിമല തീർത്ഥാടകരുടെ മൊബൈല്‍ ഫോണുകള്‍ മോഷ്ടിച്ച ആന്ധ്രാ സ്വദേശിയെ സന്നിധാനം പോലീസ് അറസ്റ്റ് ചെയ്തു. ആന്ധ്രാപ്രദേശ് വിജയനഗര്‍ സ്വദേശി കണിപ്പള്ളി രാംബാബുവിന്റെ മകന്‍ കണിപ്പള്ളി ശിവ(21) യാണ് പിടിയിലായത്.
ദര്‍ശനത്തിനെത്തിയ എറണാകുളം സ്വദേശികളുടെ രണ്ട് മൊബൈൽ ഫോണുകളാണ് നഷ്ടപ്പെട്ടത് . അയ്യപ്പഭക്തര്‍ വിരിവച്ചിരുന്ന മാളികപ്പുറം അന്നദാനം മണ്ഡപത്തില്‍ നിന്ന് ഇന്ന് പുലര്‍ച്ചെ ഒന്നരയോടെയാണ് ഫോണുകള്‍ മോഷ്ടിക്കപ്പെട്ടത്.
സന്നിധാനം പോലീസ് ഇയാളെ കസ്റ്റഡിയിലെടുത്ത് കേസ് രജിസ്റ്റര്‍ ചെയ്തു. ചോദ്യം ചെയ്യലില്‍ മോഷ്ടാവ് കുറ്റം സമ്മതിച്ചു. ഫോണുകള്‍ ഇയാളില്‍ നിന്നും പോലീസ് കണ്ടെടുത്തു
