കോട്ടയം: നവീന് ബാബുവിന്റെ മരണത്തില് സിബിഐ അന്വേഷണം ആവശ്യപ്പെട്ടുകൊണ്ടുള്ള ഭാര്യ മഞ്ജുഷയുടെ ഹര്ജിയെ പിന്തുണയ്ക്കില്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന് വ്യക്തമാക്കിയതോടെ സര്ക്കാരിന് എന്തൊക്കെയോ ഒളിക്കാനുണ്ടെന്ന് ഉറപ്പായി. ദിവ്യയ്ക്കു പുറമെ പ്രമുഖനായ മറ്റാരെയോ കേസില് നിന്ന് രക്ഷിച്ചെടുക്കാനുള്ള ഗൂഢപദ്ധതിയുടെ ഭാഗമാണിതെന്നും സംശയിക്കണം. മാത്രമല്ല, സര്ക്കാര് നവീന്റെ കുടുംബത്തോടൊപ്പമാണെന്ന പല്ലവി പാഴ്വാക്കായിരുന്നുവെന്നും ഇതു വ്യക്മാക്കുന്നു.
പി പി ദിവ്യയുടെ രാഷ്ട്രീയ സ്വാധീനവും കളക്ടറില് നിന്നും പ്രതിയെ പിന്തുണയ്ക്കുന്ന സര്ക്കാര് സംവിധാനത്തില് നിന്നും ഉള്ള ദ്രോഹനടപടികള് ഭയന്ന് നവീന് ബാബുവിന്റെ സഹപ്രവര്ത്തകര് അവര്ക്കറിയാവുന്ന വസ്തുതകള് വെളിപ്പെടുത്താന് മുന്നോട്ടു വന്നിട്ടില്ലെന്ന് നവീന്റെ ഭാര്യ മഞ്ജുഷ ഹൈക്കോടതിയിലെ ഹര്ജിയില് ചൂണ്ടിക്കാട്ടിയിരുന്നു.നവീന്റെ മരണവുമായി ബന്ധപ്പെട്ട് വന് ഗൂഢാലോചന നടന്നെന്ന് വിശ്വസിക്കാനും തെളിവ് നശിപ്പിക്കാനും വ്യാജ തെളിവ് ഉണ്ടാക്കാനും ശ്രമിക്കുന്നുവെന്ന് സംശയിക്കാനും വ്യക്തമായ കാരണങ്ങള് ഉണ്ടെന്നും ഹര്ജിയില് പറയുന്നുണ്ട്. ഇതൊക്കെ ശരിവയ്ക്കുന്നതാണ് പാര്ട്ടി സെക്രട്ടറിയുടെ നിലപാട്.
