വത്തിക്കാന് സിറ്റി: ആഗോള ക്രൈസ്തവ സഭയുടെ ആസ്ഥാനത്ത് ശ്രീനാരായണ ഗുരുവിന്റെ ദാര്ശനികതയുടെ വെളിച്ചം വിതറുന്നു. ആലുവയില് നടത്തിയ സര്വ്വമത മഹാസമ്മേളനത്തിന്റെ ശതാബ്ദി പ്രമാണിച്ച് നടക്കുന്ന ലോക മത പാര്ലമെന്റിന്് വത്തിക്കാന് നഗരം ഒരുങ്ങി. മതങ്ങളുടെ ഏകതയും സൗഹാര്ദവും സമന്വയവും പ്രചരിപ്പിക്കുക എന്ന ലക്ഷ്യത്തോടെ നവംബര് 29, 30, ഡിസംബര് 1 തീയതികളില് നടക്കുന്ന മഹാസമ്മേളനത്തെ ഫ്രാന്സിസ് മാര്പാപ്പ ആശീര്വദിക്കും.
ദൈവദശകം ഇറ്റാലിയന് ഭാഷയിലേക്ക് തര്ജ്ജിമ ചെയ്തത് ആലാപനം ചെയ്തുകൊണ്ടാണ് സമ്മേളനം ആരംഭിക്കുന്നത്. ശിവഗിരി മഠം പ്രസിഡന്റ് സച്ചിദാനന്ദ സ്വാമി അധ്യക്ഷം വഹിക്കും.കര്ദ്ദിനാള് മിഖ്വേല് ആംഗല് അയുസോ ക്വിസോട്ട് ഉദ്ഘാടനം ചെയ്യും. പാണക്കാട് സാദിഖ്അലി തങ്ങള്, കര്ണ്ണാടക സ്പീക്കര് യു.ടി. ഖാദര്, ഫാ. ഡേവിഡ് ചിറമേല്, രജ്ജിത്സിംഗ് പഞ്ചാബ്, എ.വി. അനൂപ്്, കെ. മുരളീധരന് , ഡോ. സി.കെ.രവി, ഗോപുനന്ദിലത്ത്, മണപ്പുറം നന്ദകുമാര്, ഫൈസല് ഖാന് തുടങ്ങിയവര് പ്രസംഗിക്കും. സച്ചിദാനന്ദ സ്വാമി തയ്യാറാക്കിയ ‘സര്വ്വമതസമ്മേളനം’ എന്ന ഗ്രന്ഥത്തിന്റെ ഇറ്റാലിയന് പരിഭാഷ, ‘ഗുരുവും ലോകസമാധാനവും’ എന്ന പുസ്തകത്തിന്റെ ഇംഗ്ലീഷ് പരിഭാഷ എന്നിവ പ്രകാശനം ചെയ്യും.
റോമിലെ ജോര്ജിയന് യൂണിവേഴ്സിറ്റി, ഇന്റര് ഫെയ്സ് ഡയലോഗിന്റെ അധ്യക്ഷന് ഫാദര് മിഥിന് ജെ. ഫ്രാന്സിസ്, മോഡറേറ്ററായി നടത്തുന്ന മതസംഗമത്തില് ഹൈന്ദവ, െ്രെകസ്തവ, ഇസ്ലാം, ജൂതപ്രതിനിധികള് സംബന്ധിക്കും. സച്ചിദാനന്ദ സ്വാമി, ശുഭാംഗാനന്ദ സ്വാമി, ഋതംഭരാനന്ദ സ്വാമി, ധര്മ്മചൈതന്യസ്വാമി, അസംഗാനന്ദഗിരി സ്വാമി, വീരേശ്വരാനന്ദ സ്വാമി, ഹംസതീര്ത്ഥ സ്വാമികള്, സ്വാമിനി ആര്യനന്ദാദേവി തുടങ്ങിയവര് ശിവഗിരി മഠത്തെ പ്രതിനിധീകരിച്ച് സംസാരിക്കും.
29 ന് വൈകുന്നേരം മതസമന്വയവും മതസൗഹാര്ദ്ധവും ഊട്ടി ഉറപ്പിച്ചുകൊണ്ടുള്ള സ്നേഹവിരുന്ന്. 30 ന് നടക്കുന്ന സമ്മേളനത്തില് മാര്പാപ്പ ആശിര്വദിച്ചു സംസാരിക്കും. വത്തിക്കാനിലെ വിവിധ മഠങ്ങളുടെ പ്രതിനിധികള് പങ്കെടുക്കും. ഡിസംബര് ഒന്നിന് ഇറ്റലിയിലെ ജനപ്രതിനിധികള് പങ്കെടുക്കുന്ന സമ്മേളനം എന്നിവയാണ് മുഖ്യപരിപാടികള്. ഭാരതത്തിനു പുറമെ ഇറ്റലി, ബഹറിന്, ഇന്ഡോനേഷ്യ, അയര്ലന്റ്, ദുബായ്, അബുദാബി, ഗള്ഫ് രാജ്യങ്ങള്, ഇംഗ്ലണ്ട്, അമേരിക്ക, തുടങ്ങിയ പതിനഞ്ചോളം രാജ്യങ്ങളില് നിന്നുമുള്ള പ്രതിനിധികള് സമ്മേളനത്തില് പങ്കെടുക്കും. വൈദികവൃത്തിയില് നിന്ന് നേരിട്ട് കര്ദ്ദിനാളാകാന് ഭാഗ്യം ലഭിച്ച മലയാളി ജോര്ജ് ജേക്കബ് പൂവക്കാടിന്റെ നേതൃത്വത്തിന് കെ.ജി. ബാബുരാജന് (ചെയര്മാന്) ചാണ്ടി ഉമ്മന് (ജനറല് കണ്വീനര്), സ്വാമി വീരേശ്വരാനന്ദ (സെക്രട്ടറി) എന്നിവരടങ്ങുന്ന കമ്മിറ്റിയാണ് സര്വ്വമതമഹാസമ്മേളനം വത്തിക്കാനില് സംഘടിപ്പിക്കുന്നത്.
ജന്മഭൂമി ഓണ്ലൈന്