ഇംഫാൽ: ഇംഫാൽ താഴ്‌വരയിലെയും ജിരിബാം ജില്ലയിലെയും സ്കൂളുകളും കോളേജുകളും തിങ്കളാഴ്ച തുറക്കാനുള്ള തീരുമാനം മണിപ്പൂർ സർക്കാർ വീണ്ടും റദ്ദാക്കി.
സംസ്ഥാനത്ത് പുതിയ അക്രമസംഭവങ്ങൾ കണക്കിലെടുത്ത് നിരോധന ഉത്തരവുകൾ പുറപ്പെടുവിച്ചതിനാൽ ഇംഫാൽ വെസ്റ്റ്, ഇംഫാൽ ഈസ്റ്റ്, തൗബാൽ, ബിഷ്ണുപൂർ, കച്ചിംഗ്, ജിരിബാം എന്നിവിടങ്ങളിൽ ഒരാഴ്ചയോളം സ്കൂളുകളും കോളേജുകളും അടച്ചിടണമെന്ന് സർക്കാർ നിർദ്ദേശിച്ചു.
ഞായറാഴ്ച രാത്രി വിദ്യാഭ്യാസ ഡയറക്ടറേറ്റ് പുറപ്പെടുവിച്ച പുതിയ ഉത്തരവ് പ്രകാരം സംസ്ഥാനത്തെ എല്ലാ സ്‌കൂളുകൾക്കും സർക്കാർ, സർക്കാർ എയ്ഡഡ്, സ്വകാര്യ, സെൻട്രൽ സ്‌കൂളുകൾക്കും സാധാരണ ക്ലാസുകൾ പുനരാരംഭിക്കുന്നത് സംബന്ധിച്ച് സ്‌കൂൾ തുറക്കാനുള്ള ഉത്തരവ് റദ്ദാക്കിയിരിക്കുന്നു.താഴ്‌വര ജില്ലകളിലെ എല്ലാ സ്കൂളുകളും നവംബർ 25 മുതൽ അടച്ചിടുന്നത് തുടരുമെന്നാണ്. ഇതോടൊപ്പം കോളേജുകൾക്കും സമാനമായ ഉത്തരവ് പുറപ്പെടുവിച്ചതായി അധികൃതർ അറിയിച്ചു.
അതേസമയം അഞ്ച് ജില്ലകളിലെ ഭരണകൂടങ്ങൾ പുറപ്പെടുവിച്ച പ്രത്യേക വിജ്ഞാപനമനുസരിച്ച് ജനങ്ങൾക്ക് അവശ്യവസ്തുക്കൾ വാങ്ങാൻ താഴ്‌വരയിലെ നിരോധന ഉത്തരവുകളിൽ രാവിലെ 5 മുതൽ ഉച്ചയ്‌ക്ക് 12 വരെ ഇളവ് നൽകിയിട്ടുണ്ട്.
പ്രതികരിക്കാൻ ഇവിടെ എഴുതുക: