മുംബൈ: വരും സീസണ്‍ ഐപിഎല്‍ ക്രിക്കറ്റ് മാര്‍ച്ച് 14ന് ആരംഭിക്കും. മെയ് 25ന് ഫൈനലോടെ സമാപിക്കും. ബിസിസിഐയും ഐപിഎല്‍ ഫ്രാഞ്ചൈസികളും സംയുക്തമായി വരുന്ന രണ്ട് സീസണുകളിലെയും ഷെഡ്യൂള്‍ ഇതേ ക്രമത്തില്‍ നടത്തുവാന്‍ പദ്ധതി ആസൂക്രണം ചെയ്തു. നാളെയും മറ്റന്നാളുമായാണ് പുതിയ സീസണിലേക്കുള്ള താരങ്ങളുടെ ലേലം നടക്കുക.
പരിക്കേറ്റ ഇംഗ്ലണ്ട് പോസര്‍ ജോഫ്ര ആര്‍ച്ചര്‍, ഭാരത വംശജനായ ആമേരിക്കന്‍ പേസര്‍ സൗരഭ് നേത്രവാല്‍ക്കര്‍, മുംബൈ വിക്കറ്റ് കീപ്പര്‍-ബാറ്റര്‍ ഹാര്‍ദിക് ടമോര്‍ എന്നിവരെ ലേലത്തില്‍ ഉള്‍പ്പെടുത്താന്‍ യോഗത്തില്‍ ധാരണയായി. നാളെയും മറ്റന്നാളുമായി ജെദ്ദയിലാണ് ലേലം നടക്കുക. ഇത് രണ്ടാം തവണയാണ് ഐപിഎല്‍ ലേലം ഭാരതത്തിന് പുറത്ത് നടക്കുന്നത്. കഴിഞ്ഞ വര്‍ഷം ദുബായിലാണ് ലേലം നടന്നത്.
പ്രതികരിക്കാൻ ഇവിടെ എഴുതുക: