തിരുവനന്തപുരം: ശബരിമല വനവത്ക്കരണത്തിനായി റവന്യൂ ഭൂമി കൈമാറുന്നതിനുള്ള സര്ക്കാര് ഉത്തരവ് റവന്യൂ വകുപ്പ് മന്ത്രി കെ. രാജന് വനം വകുപ്പ് മന്ത്രി എ കെ ശശീന്ദ്രന് കൈമാറി. റവന്യൂ വകുപ്പ് മന്ത്രിയുടെ ചേംബറില് ദേവസ്വം മന്ത്രി വി. എന്. വാസവന്റെയും കൃഷി മന്ത്രി പി പ്രസാദിന്റെയും സാന്നിധ്യത്തിലായിരുന്നു ചടങ്ങ്.
ശബരിമല റോപ്പ് വേ പദ്ധതിക്കായി ഏറ്റെടുക്കേണ്ടിവരുന്ന 4.5336 ഹെക്ടര് വനഭൂമിക്ക് പകരം പരിഹാര വനവല്ക്കരണത്തിനായിട്ടാണ് ഭൂമി കൈമാറ്റം. കൊല്ലം ജില്ലയില് പുനലൂര് താലൂക്കില് കുളത്തൂപ്പുഴ വില്ലേജില് സര്വെ 976/1-ല്പ്പെട്ട 4.5336 ഹെക്ടര് ഭൂമിയാണ് വനം വകുപ്പിന് കൈമാറിയത്.
മൂന്ന് വകുപ്പുകളുടെ സംയുക്തമായ സഹകരണത്തോടെയുള്ള നടപടി ശബരിമലയിലെ തീര്ത്ഥാടന സൗകര്യങ്ങള് വര്ദ്ധിപ്പിക്കുന്നതിന് ഉപകാരപ്പെടുമെന്നും ശബരിമലയിലേക്കുള്ള ചരക്ക് ഗതാഗതവും തീര്ത്ഥാടകരുടെ യാത്രാസൗകര്യവും സുഗമമാകുമെന്നും മന്ത്രി വി എന് വാസവന് അഭിപ്രായപ്പെട്ടു.
