ഇസ്ലാമാബാദ് : പാക്കിസ്ഥാനിലെ ഖൈബർ പഖ്തൂൺഖ്വ പ്രവിശ്യയിൽ ഭീകരാക്രമണം . യാത്രാ ബസിന് നേരെ ഭീകരർ നടത്തിയ വെടി വയ്പ്പിൽ 38 പേർ കൊല്ലപ്പെട്ടു . നിരവധി പേർക്ക് പരിക്കേറ്റിട്ടുണ്ട്. ഖൈബർ പഖ്തൂൺഖ്വയിലെ കുറം താഴ്വരയിലാണ് സംഭവം. പരിക്കേറ്റവരെ ആശുപത്രിയിൽ പ്രവേശിപ്പിച്ചതായി കുറം ഡിപിഒ അറിയിച്ചു.
പരിക്കേറ്റ 8 പേർ മണ്ഡോരി ആശുപത്രിയിൽ ചികിത്സയിലാണെന്നാണ് വിവരം.ഈ ആക്രമണം വളരെ ദുഖകരമാണെന്നും , ഭീരുത്വം നിറഞ്ഞ പ്രവൃത്തിയാണിതെന്നും പാകിസ്ഥാൻ മന്ത്രി മൊഹ്സിൻ നഖ്വി പറഞ്ഞു.ഈ ആക്രമണം നടത്തിയവരെ സർക്കാർ വെറുതെ വിടില്ലെന്നും നഖ്വി പറഞ്ഞു.
