മലപ്പുറം:കൃഷി നാശം വിതച്ച കാട്ടാനയെ തുരത്താനെത്തിയ വനപാലകനെ മറഞ്ഞിരുന്ന കാട്ടാന ആക്രമിച്ചു. ഇദ്ദേഹത്തെ നിലമ്പൂര് ജില്ലാ ആശുപത്രിയില് പ്രവേശിപ്പിച്ചു.
കാഞ്ഞിരപ്പുഴ സ്റ്റേഷനിലെ ബീറ്റ് ഫോറസ്റ്റ് ഓഫീസര് ഹരീഷിനാണ് പരിക്കേറ്റത്. തിങ്കളാഴ്ച വൈകുന്നേരം 5 മണിയോടെയാണ് സംഭവം.
വെള്ളിമുറ്റം ഏറമ്പാടം വനമേഖലയില് കാട്ടാനയെ തിരയുന്നതിനിടെയാണ് മുളംകാട്ടില് മറഞ്ഞിരുന്ന കാട്ടാന ഹരീഷിനെ ആക്രമിച്ചത്. ആക്രമണത്തില് വീണ ഹരീഷിന് ഇടത് കാലിനും ഇടതു കണ്ണിനും പരിക്കേറ്റു.
കാട്ടാന ഈ പ്രദേശത്ത് കൃഷി നാശം വിതച്ചത് നാട്ടുകാര് വനപാലകരെ അറിയിച്ചിരുന്നു. തുടര്ന്നാണ് വനപാലകര് തിരച്ചില് നടത്താനെത്തിയത്.
