ആലപ്പുഴ : മണ്ണഞ്ചേരിയില് മോഷണം നടത്തിയത് കുറുവ സംഘം തന്നെയെന്ന് സ്ഥിരീകരിച്ച്് പൊലീസ്. ഇന്നലെ പിടിയിലായ തമിഴ്നാട് സ്വദേശി സന്തോഷ് സെല്വം കുറുവാ സംഘാംഗമാണെന്നും ആലപ്പുഴ ഡിവൈഎസ്പി മധു ബാബു മാധ്യമങ്ങളോട് പറഞ്ഞു. എറണാകുളം കുണ്ടന്നൂര് പാലത്തിന് താഴെ കഴിഞ്ഞ് വരികയായിരുന്ന ഇയാളെ ശനിയാഴ്ചയാണ് പിടികൂടിയത്.മത്സ്യത്തൊഴിലാളികളെന്ന വ്യാജേനയാണ് ഇവര് ഇവിടെ കഴിഞ്ഞു വന്നത്.
പുലര്ച്ചെ രഹസ്യമായി ഇയാളുമൊത്ത് തെളിവെടുപ്പ് നടത്തി.രാത്രിയിലായിരുന്നു മോഷണമെന്നതിനാല് വീടുകളിലെ താമസക്കാര് മോഷ്ടാക്കളുടെ മുഖം കണ്ടിട്ടില്ല.കുറുവ സംഘത്തില് 14 പേരാണ് ഉളളത്.
പ്രതിയെ പിടിച്ച കുണ്ടന്നൂൂരില് നിന്നും ചില സ്വര്ണ ഉരുപ്പടികള് കിട്ടി. ഇവ പൂര്ണ രൂപത്തിലല്ലെന്നും കഷ്ണങ്ങളാക്കിയ ആഭരണങ്ങളാണ് ലഭിച്ചതെന്നും ആലപ്പുഴ ഡിവൈഎസ്പി പറഞ്ഞു.
പ്രതിയുടെ നെഞ്ചില് പച്ച കുത്തിയതാണ് തിരിച്ചറിയാന് കാരണമായത്. പാലായില് സമാന രീതിയില് മോഷണം നടന്നതും അന്വേഷിച്ചു. അങ്ങനെയാണ് സന്തോഷിനെ കസ്റ്റഡിയിലെടുത്തത്.സന്തോഷ് സെല്വത്തിനൊപ്പം കസ്റ്റഡിയിലെടുത്ത മണികണ്ഠന്റെ കാര്യത്തിലും വ്യക്തത വരാനുണ്ട്.
