പാലക്കാട്: നാരീശക്തി വിളിച്ചോതി എന്ഡിഎ സ്ഥാനാര്ഥി സി. കൃഷ്ണകമാറിന്റെ വിജയത്തിനായി മഹിളാശാക്തീകരണ യാത്ര. പാലക്കാടിന്റെ വികസനവും വനിതാശാക്തീകരണവും യാഥാര്ഥ്യമാക്കാന് സി. കൃഷ്ണകുമാര് എംഎല്എയാവണം എന്ന മുദ്രാവാക്യവുമായി നടന്ന യാത്രയില് പ്രായഭേദമന്യേ ആയിരത്തിലധികം അമ്മമാര് അണിനിരന്നു.
പാലക്കാടിന്റെ രാഷ്ട്രീയമാറ്റത്തിന് വഴിയൊരുക്കുന്ന വിധത്തിലായിരുന്നു ഇന്നലെ വൈകിട്ട് നടന്ന മഹിളാശാക്തീകരണ യാത്ര. ഗവ. മോയന്സ് സ്കൂള് പരിസരത്ത് നിന്നാരംഭിച്ച യാത്ര കോട്ടമൈതാനത്ത് സമാപിച്ചു. അമ്മമാരും പെണ്കുട്ടികളുമുള്പ്പെടെ ആയിരത്തിലധികം പേരാണ് കേരളീയ വേഷത്തില് കൃഷ്ണകുമാറിന്റെ ചിത്രമുള്ള പ്ലക്കാര്ഡുകളും പതാകയുമേന്തി യാത്രയില് പങ്കെടുത്തത്. സമാപന സമ്മേളനം ബിജെപി സംസ്ഥാന വൈസ് പ്രസി. ശോഭാ സുരേന്ദ്രന് ഉദ്ഘാടനം ചെയ്തു. നഗരസഭ ചെയര്പേഴ്സണ് പ്രമീള ശശിധരന് അധ്യക്ഷത വഹിച്ചു.
വയനാട് എന്ഡിഎ സ്ഥാനാര്ഥി നവ്യ ഹരിദാസ്, ശോഭാ സുരേന്ദ്രന്, സംസ്ഥാന വക്താവ് ടി.പി. സിന്ധുമോള്, പ്രമീള ശശിധരന്, മുന് നഗരസഭ ചെയര്പേഴ്സണ് പ്രിയ അജയന്, മഹിളാമോര്ച്ച സംസ്ഥാന ജന. സെക്രട്ടറി സിനി മനോജ്, ജില്ലാ അധ്യക്ഷ പി. സത്യഭാമ, ജന. സെക്രട്ടറി അശ്വതി മണികണ്ഠന്, നഗരസഭ വികസനകാര്യ സ്റ്റാന്ഡിങ് കമ്മിറ്റി അധ്യക്ഷ മിനി കൃഷ്ണകുമാര്, അഡ്വ. എസ്. ശാന്താദേവി നേതൃത്വം നല്കി.
