ന്യൂദല്‍ഹി: പ്രൊഫ. യശ്വന്ത് റാവു ഖേല്‍ക്കര്‍ യുവ പുരസ്‌കാരം ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് സമ്മാനിക്കും. ഗോരഖ്പൂരില്‍ എബിവിപി 70-ാം ദേശീയ സമ്മേളനത്തില്‍ വെച്ചാണ് പുരസ്‌കാരം സമ്മാനിക്കുക. 24ന് രാവിലെ 11.30ന് നടക്കുന്ന പുരസ്‌കാരദാന സമ്മേളനത്തില്‍ യോഗി ആദിത്യനാഥ് മുഖ്യാതിഥിയായി പങ്കെടുക്കും.
ട്രെയിനിങ് ആന്‍ഡ് എഡ്യൂക്കേഷണല്‍ സെന്റര്‍ ഫോര്‍ ഹിയറിങ് എംപയേര്‍ഡ് സഹസ്ഥാപകനും സിഒഒയുമായ ദീപേഷ് നായര്‍ പുരസ്‌കാരം ഏറ്റുവാങ്ങും.
മുന്‍ ദേശീയ അധ്യക്ഷനായ പ്രൊഫ. യശ്വന്ത് റാവു കേല്‍ക്കറുടെ സ്മരണാര്‍ത്ഥം 1991 മുതലാണ് എബിവിപി പുരസ്‌കാരം നല്‍കാന്‍ ആരംഭിച്ചത്. എബിവിപിയെ സുശക്തമാക്കുന്നതിനും വിപുലീകരിക്കുന്നതിനും സുപ്രധാന പങ്ക് വഹിച്ച യശ്വന്ത് റാവു ഖേല്‍ക്കര്‍ വിദ്യാര്‍ത്ഥി സമൂഹത്തിന്റെ ക്ഷേമം ഉറപ്പുവരുത്തുന്നതിനായി ഉദാത്തമായ സംഭാവനകള്‍ നല്‍കിയിട്ടുണ്ട്.
വിദ്യാഭ്യാസ, പരിസ്ഥിതി, സാമൂഹ്യ രംഗങ്ങളില്‍ സ്തുത്യര്‍ഹമായ സംഭാവനകള്‍ നല്‍കുന്ന യുവ സംരംഭകരെയാണ് പുരസ്‌കാരത്തിനായി തെരഞ്ഞെടുക്കുന്നത്.
പ്രതികരിക്കാൻ ഇവിടെ എഴുതുക: