തിരുവനന്തപുരം: : അയല്‍വാസി ഇഷ്ടിക തൊഴിലാളിയായ വയോധികനെ വെട്ടിക്കൊലപ്പെടുത്തി. കിളിമാനൂര്‍ പേടികുളം ഇലങ്കത്തറ ക്ഷേത്രത്തിനു സമീപം കാട്ടുവിള വീട്ടില്‍ ബാബുരാജ് (64) ആണ് കൊല്ലപ്പെട്ടത് .
വെളളിയാഴ്ച രാത്രി 9 മണിയോടെയാണ് സംഭവം
അയല്‍വാസിയും പ്രവാസി മലയാളിയുമായ സുനില്‍കുമാര്‍ (45) ആണ് കൊലപാതകം നടത്തിയത്. വിദേശത്തായിരുന്ന സുനില്‍കുമാര്‍ അടുത്തകാലത്താണ് നാട്ടിലെത്തിയത്.
മദ്യപാനിയും സ്ഥിരം പ്രശ്‌നക്കാരനുമാണ് സുനില്‍കുമാര്‍ എന്ന് നാട്ടുകാര്‍ പറഞ്ഞു. സുനില്‍കുമാര്‍ പൊലീസ് കസ്റ്റഡിയില്‍ ആയതായാണ് സൂചന. കൊലപാതകത്തിലേക്ക് നയിച്ച കാര്യം വ്യക്തമായിട്ടില്ല . കിളിമാനൂര്‍ പൊലീസ് സംഭവത്തെക്കുറിച്ച് അന്വേഷിച്ചു വരുന്നു .
