രഞ്ജിയില്‍ സച്ചിന്‍ ബേബിക്ക് ചരിത്ര നേട്ടം

ലഹ്ലി: രഞ്ജി ട്രോഫിയില്‍ ചരിത്ര നേട്ടം സ്വന്തമാക്കി കേരള ക്യാപ്റ്റന്‍ സച്ചിന്‍ ബേബി. രഞ്ജിയില്‍ കേരളത്തിനായി ഏറ്റവും കൂടുതല്‍ റണ്‍സ് നേടുന്ന താരമെന്ന റെക്കോര്‍ഡാണ് സച്ചിന്‍ ബേബി സ്വന്തം പേരിലാക്കിയത്.ഹരിയാനയ്‌ക്കെതിരെ ലാഹ്ലിയിലാണ് താരം ഈ സുപ്രധാന നേട്ടം സ്വന്തമാക്കിയത്.

99 മത്സരങ്ങളില്‍ നിന്ന് 5396 റണ്‍സ് നേടിയ മുന്‍ കേരള ഓപ്പണര്‍ രോഹന്‍ പ്രേമിന്റെ റെക്കോര്‍ഡാണ് 35 കാരനായ സച്ചിന്‍ മറികടന്നത്.്. 15 റണ്‍സ് നേടിയപ്പോഴെ താരം റെക്കോര്‍ഡ് പിന്നിട്ടു.കഴിഞ്ഞഴ്ച, തുമ്പയില്‍ ഉത്തര്‍പ്രദേശിനെതിരെ തിളങ്ങിയ സച്ചിന്‍ ബേബി 83 റണ്‍സെടുത്തിരുന്നു. 2022-23 സീസണിന് ശേഷം 25 ഇന്നിംഗ്സുകളില്‍ നിന്ന് 77ലധികം ശരാശരിയില്‍ 1660 റണ്‍സ് നേടിയ താരം കേരളത്തിന്റെ ഏറ്റവും സ്ഥിരതയാര്‍ന്ന ബാറ്റര്‍മാരില്‍ ഒരാളാണ്.

ഏഴു സെഞ്ചുറികളും ഈ കാലയളവില്‍ താരം നേടി.എല്ലാ ഫോര്‍മാറ്റുകളിലും ടോപ് സ്‌കോറര്‍2009-10 സീസണില്‍ കേരളത്തില്‍ അരങ്ങേറ്റം കുറിച്ച സച്ചിന്‍ ബേബി, നിലവില്‍ മൂന്നു ഫോര്‍മാറ്റുകളിലും സംസ്ഥാനത്തിനായി ഏറ്റവും കൂടുതല്‍ റണ്‍സ് നേടുന്ന താരമാണ്.