ന്യൂദല്ഹി: വഖഫ് ഭൂമി പ്രശ്നത്തില് മുനമ്പത്തെ ജനങ്ങള്ക്ക് വീടുവിട്ട് പോകേണ്ടി വരില്ലെന്ന് കേന്ദ്രമന്ത്രി കിരണ് റിജിജു. വിഷയത്തെ കേന്ദ്ര സര്ക്കാര് വളരെ ഗൗരവത്തോടെയാണ് കാണുന്നതെന്ന് മന്ത്രി വ്യക്തമാക്കി.
നീതി ഉറപ്പാക്കുകയാണ് കേന്ദ്രസര്ക്കാര് ലക്ഷ്യം. ഒരു വിഭാഗത്തിനെതിരെയുള്ള നീക്കമല്ല ഇത്. വഖഫ് നിയമ ഭേദഗതി പാസാകുന്നതോടെ ഇത്തരം പ്രതിസന്ധികള് ഇല്ലാതാകുമെന്നും ന്യൂനപക്ഷ ക്ഷേമ വകുപ്പ് മന്ത്രി കിരണ് റിജിജു പറഞ്ഞു.
കേരള സര്ക്കാര് രാഷ്ട്രീയം കളിക്കുകയാണ്. മുനമ്പത്തിന് നീതി കിട്ടിയിരിക്കുമെന്നും കിരണ് റിജിജു പറഞ്ഞു.
മുനമ്പം വിഷയത്തില് മുന് കേന്ദ്രമന്ത്രി രാജീവ് ചന്ദ്രശേഖറും ഷോണ് ജോര്ജും മന്ത്രിയുമായി ചര്ച്ച നടത്തിയ ശേഷം പ്രതികരിക്കുകയായിരുന്നു കിരണ് റിജിജു.
