ന്യൂദല്ഹി:അയോധ്യയിലെ ശ്രീരാമക്ഷേത്രം ആക്രമിക്കുമെന്നും അയോധ്യ ശ്രീരാമക്ഷേത്രത്തിന്റെ അടിക്കല്ല് ഇളക്കുമെന്നും ഖലിസ്ഥാന് തീവ്രവാദ സംഘടനയായ സിഖ് സ് ഫോര് ജസ്റ്റിസിന്റെ നേതാവ് ഗുര് പത് വന്ത് സിങ്ങ് പന്നുന്. അക്രമാസക്തമായ ഹിന്ദു ആശയത്തിന്റെ ജന്മസ്ഥലമാണ് അയോധ്യയെന്നും പന്നുന് പറയുന്നു. ഇന്ത്യയിലെ ഒരു എന്ജിഒ എഴുതിക്കൊടുത്തത് പോലുള്ള പ്രയോഗങ്ങളാണ് പന്നുന് തന്റെ ഭീഷണി വീഡിയോയില് ഉപയോഗിച്ചിരിക്കുന്നത്. വീഡിയോയില് പ്രാണപ്രതിഷ്ഠാച്ചടങ്ങില് പ്രധാനമന്ത്രി മോദി പ്രാര്ത്ഥിക്കുന്ന ചിത്രം കാണിച്ചിരിക്കുന്നു. ഇന്ത്യയില് ഇന്ന് ഏറ്റവും പരിപാവനമായി കാണുന്ന ആരാധനാലയമാണ് അയോധ്യ രാമക്ഷേത്രം. ഡൊണാള്ഡ് ട്രംപ് അധികാരത്തില് വന്നതോടെ ഖലിസ്ഥാന് തീവ്രവാദ സംഘടനകളുടെ കാനഡയും യുഎസും കേന്ദ്രമായുള്ള പ്രവര്ത്തനങ്ങള് തുടച്ചുനീക്കപ്പെടുമെന്ന വിലയിരുത്തലുകള് പുറത്തുവരുന്നതിനിടയിലാണ് പൊടുന്നനെ ഗുര്പത് വന്ത് സിങ്ങ് പന്നുന്റെ ഈ ഭീഷണിവീഡിയോ പുറത്തുവന്നിരിക്കുന്നത്.
കാനഡയിലെ പ്രധാനമന്ത്രി ജസ്റ്റിന് ട്രൂഡോ കാര്യമായി പിന്തുണ നല്കുന്ന നേതാവാണ് ഗുര്പത് വന്ത് സിങ്ങ് പന്നുന്. ജോ ബൈഡന്റെ ഡമോക്രാറ്റിക് സര്ക്കാരുള്ളപ്പോള് ഈ പന്നുനെ വധിക്കാന് ഇന്ത്യന് പ്രതിരോധ സേനയിലെ മുന് ഉദ്യോഗസ്ഥന് ശ്രമിച്ചു എന്ന് യുഎസ് തന്നെ ഇന്ത്യയ്ക്കെതിരെ ആരോപണം ഉന്നയിച്ചിരുന്നു.
നവമ്പര് 16,17 തീയതികളില് ആക്രമിക്കുമെന്നാണ് ഭീഷണി. ഈയിടെ കാനഡയില് ഖലിസ്ഥാന് വാദികള് ആക്രമിച്ച ഹിന്ദു ക്ഷേത്രം നിലനിന്നിരുന്ന ബ്രാംടണില് നിന്നാണ് പന്നുന് ഭീഷണിപ്പെടുത്തുന്ന വീഡിയോ ഷൂട്ട് ചെയ്തിരിക്കുന്നതെന്നാണ് സംശയിക്കപ്പെടുന്നത്.
മോദി സര്ക്കാരിനെ ഖലിസ്ഥാന് വാദികളുമായി ഏറ്റുമുട്ടലില് ഏര്പ്പെടുത്തുക വഴി ക്രമേണ അത് സിഖുകാരുമായുള്ള ശത്രുതയിലേക്ക് മാറ്റാന് ചില ഗൂഢശക്തികള് ശ്രമിക്കുന്നതായി റിപ്പോര്ട്ടുകള് ഉയരുന്നുണ്ട്. ഇതിന്റെ ഭാഗമായിട്ടായിരുന്നു ഇന്ത്യയില് സിഖുകാര്ക്ക് ഗുരുദ്വാരകളില് പ്രാര്ത്ഥിക്കാന് കഴിയുന്നില്ലെന്ന കല്ലുവെച്ച നുണ രാഹുല് ഗാന്ധി യുഎസില് നടത്തിയ പ്രസംഗത്തിലൂടെ വിളമ്പിയത്. മോദി സര്ക്കാരിനെതിരെ പുതിയ കള്ള പ്രചാരണങ്ങള് അഴിച്ചുവിടാനുള്ള ആസൂത്രിത നീക്കമാണിതെന്ന് കരുതുന്നു.
പന്നുന് മുന്പ് നടത്തിയ പല ഭീഷണികളും നടപ്പിലായിട്ടില്ല. നവമ്പര് ഒന്നിന് എയര് ഇന്ത്യ വിമാനങ്ങള് തകര്ക്കുമെന്ന് ഭീഷണിപ്പെടുത്തിയിരുന്നെങ്കിലും നടന്നില്ല.
