വയനാട്: ഒരു മാസത്തോളം നീണ്ട വീറും വാശിയും നിറഞ്ഞ ഉപതെരഞ്ഞെടുപ്പ് പരസ്യപ്രചാരണത്തിന് വയനാട്ടില് ആവേശകരമായ കൊട്ടിക്കലാശത്തോടെ സമാപനം.
വാശിയേറിയ പരസ്യ പ്രചരണത്തിനാണ് വയനാട്ടില് തിരശീല വീണത്. ബുധനാഴ്ച വയനാട് പോളിംഗ് ബൂത്തിലെത്തും. വ്യത്യസ്ത ഇടങ്ങളിലായിരുന്നു മുന്നണികളുടെ കൊട്ടിക്കലാശം. പതിഞ്ഞ താളത്തില് തുടങ്ങിയ പ്രചാരണം അവസാന മണിക്കൂറുകളില് ആവേശകരമായി കൊട്ടിക്കയറി.
എന് ഡി എ സ്ഥാനാര്ത്ഥി നവ്യാഹരിദാസ് മികച്ച പ്രചാരണമാണ് മണ്ഡലത്തില് നടത്തിയത്. കൊട്ടിക്കലാശത്തില് ഇടയ്ക്ക് ക്രെയിനിലേറിയും പിന്നീട് താഴെയിറങ്ങി പ്രവര്ത്തകര്ക്കൊപ്പം നൃത്തം ചവിട്ടിയും നവ്യാഹരിദാസ് ജനങ്ങള്ക്കൊപ്പമാണ് താനെന്ന് വ്യക്തമാക്കി.
കോണ്ഗ്രസിനായി രാഹുല് ഗാന്ധിയും പ്രിയങ്കാ ഗാന്ധിയും കൊട്ടിക്കലാശത്തില് പങ്കെടുത്തു. ഇടതു മുന്നണിയുടെ കൊട്ടിക്കലാശത്തില് സ്ഥാനാര്ത്ഥി സത്യന് മൊകേരിയും മന്ത്രി രാജനും പ്രസാദും പങ്കെടുത്തു.
