കൊച്ചി: സബ് ജൂനിയര്‍ ആണ്‍കുട്ടികളുടെ ഹൈജമ്പില്‍ പൊന്നണിഞ്ഞ എ.ആര്‍. ഗുര്‍പ്രീതിന് ഉയരം ഒരു പ്രശ്‌നമായിരുന്നില്ല. 1.70 മീറ്റര്‍ ചാടിയാണ് താരം ഇന്നലെ പൊന്നണിഞ്ഞത്. കോഴിക്കോട് മണിയൂര്‍ പഞ്ചായത്ത് എച്ച്എസ്എസിലെ വിദ്യാര്‍ഥിയാണ്.
റിട്ട. ആര്‍മി ഉദ്യോഗസ്ഥന്‍ സി.കെ. പൊന്നുവിന്റെയും ശ്രീരമ്യയുടെയും മകനാണ്. അച്ഛന്‍ തന്നെയാണ് കായിക ലോകത്തേക്ക് ഗുരുപ്രീതിനെ കൈപിടിച്ചു നടത്തിയത്. ഒരു വര്‍ഷത്തോളമായി മണിയൂര്‍ ഗവ. ഹയര്‍സെക്കന്‍ഡറി സ്‌കൂളിലെ കായിക അധ്യാപകനായ ഡോ. എം. ഷിംജിത്തിന്റെ കീഴിലാണ് പരീശീലനം.
ആദ്യമായാണ് സംസ്ഥാന മീറ്റില്‍ പങ്കെടുത്തത്. ആലപ്പുഴ എഴുപുന്ന സെന്റ് റാഫേല്‍സ് എച്ച്എസ്എസിലെ കെ.യു. അര്‍ജുന്‍ 1.63 മീറ്റര്‍ ചാടി വെള്ളിയും തൃശൂര്‍ മാള എച്ച്സിസിഇഎംഎച്ച്എസ്എസ് സ്നേഹഗിരിയിലെ കൃഷ് ഡാര്‍വിന്‍ രാജ് വെങ്കലവും സ്വന്തമാക്കി.
പ്രതികരിക്കാൻ ഇവിടെ എഴുതുക: