ഇസ്ലാമബാദ് :ഗോമൂത്രമല്ല, കൂടുതല്‍ ശുദ്ധം ഒട്ടകമൂത്രമാണെന്ന് ഇന്ത്യയില്‍ നിന്നും മലേഷ്യയിലേക്ക് കുടിയേറിയ തീവ്രഇസ്ലാം പ്രഭാഷകന്‍ സക്കീര്‍ നായിക്ക്. ഇന്ത്യ വിചാരണയ്‌ക്കായി സക്കീര്‍ നായിക്കിനെ ആവശ്യപ്പെട്ടെങ്കിലും മലേഷ്യ ഇദ്ദേഹത്തെ വിട്ടുകൊടുക്കാന്‍ തയ്യാറായിട്ടില്ല.
ഒട്ടകമൂത്രം പോലെ പരിശുദ്ധമായി മറ്റൊന്നില്ലെന്നും പല രോഗങ്ങള്‍ക്കും സിദ്ധൗഷധമാണെന്നും സക്കീര്‍ നായിക്ക് തന്റെ പ്രഭാഷണത്തില്‍ പറഞ്ഞു. പക്ഷെ ഇതൊന്നും ഗോമൂത്രത്തിന് അവകാശപ്പെടാനാവില്ലെന്നും സക്കീര്‍ നായിക്ക് പറഞ്ഞു.
പാകിസ്ഥാന്‍ സര്‍ക്കാരിന്റെ ക്ഷണപ്രകാരം പാകിസ്ഥാനില്‍ തുടര്‍ച്ചയായി പ്രഭാഷണം നടത്തിവരികയാണ് സക്കീര്‍ നായിക്ക്. വാസ്തവത്തില്‍ ഹിന്ദു വിശ്വാസപ്രകാരം ഏറെ പ്രാധാന്യം കല്‍പിക്കപ്പെടുന്ന ഒന്നാണ് ഗോമൂത്രം. സുപ്രസിദ്ധമായ പഞ്ചഗവ്യത്തില്‍പ്പോലും ഗോമൂത്രമുണ്ട്. മുന്‍ ഇന്ത്യന്‍ പ്രധാനമന്ത്രി മൊറാര്‍ജി ദേശായി തന്റെ ദീര്‍ഘായുസ്സിന് പിന്നില്‍ ഗോമൂത്രമാണെന്ന് പ്രഖ്യാപിച്ചിട്ടുണ്ട്. സ്ഥിരമായി അദ്ദേഹം ഗോമൂത്രം സേവിച്ചിരുന്നതായി പറയപ്പെടുന്നു.
പ്രതികരിക്കാൻ ഇവിടെ എഴുതുക