സെക്കന്തരാബാദ്- ഷാലിമാർ സൂപ്പർഫാസ്റ്റ് എക്സ്പ്രസ് ട്രെയിനിന്റെ മൂന്ന് കോച്ചുകള്‍ ബംഗാളിൽ പാളം തെറ്റി. ഇന്ന് പുലർച്ചെ പശ്ചിമബംഗാളിലെ ഹൗറയ്‌ക്ക് സമീപമായാണ് അപകടമുണ്ടായത്. അപകടത്തില്‍ ആർക്കും പരിക്കേറ്റതായി റിപ്പോർട്ടുകളില്ല.
പുലർച്ചെ അഞ്ചരയോടെ ട്രെയിൻ ഖരഗ്പൂർ ഡിവിഷനിലെ നാല്‍പൂർ സ്റ്റേഷനിലൂടെ കടന്നുപോകുന്നതിനിടെയാണ് പാളം തെറ്റിയതെന്ന് സൗത്ത്- ഈസ്റ്റേണ്‍ റെയില്‍വേ അധികൃതർ മാധ്യമങ്ങളോട് പറഞ്ഞു. ട്രെയിനിന്റെ ഒരു പാഴ്സല്‍ കോച്ചും രണ്ട് കോച്ചുകളുമാണ് അപകടത്തില്‍പ്പെട്ടത്.
സംഭവമറിഞ്ഞതോടെ സാന്ത്രാഗച്ചി, ഖരഗ്പൂർ എന്നിവിടങ്ങളില്‍ നിന്നുളള ദുരിതാശ്വാസ ട്രെയിനുകളെയും മെഡിക്കല്‍ സംഘത്തെയും അപകടസ്ഥലത്തേക്ക് എത്തിച്ചിട്ടുണ്ട്. കുടുങ്ങിക്കിടക്കുന്ന യാത്രക്കാരെ ലക്ഷ്യസ്ഥാനത്ത് എത്തിക്കാൻ ബസുകളും ക്രമീകരിച്ചിട്ടുണ്ട്. രക്ഷാപ്രവർത്തനം പുരോഗമിക്കുകയാണ്. കൂടുതൽ വിവരങ്ങൾ പുറത്ത് വന്നിട്ടില്ല
പ്രതികരിക്കാൻ ഇവിടെ എഴുതുക: