കൊച്ചി: 66-ാം സംസ്ഥാന സ്‌കൂള്‍ കായികമേളയുടെ ചരിത്രത്തില്‍ ഇടം നേടുന്നതില്‍ പ്രധാനമായത് സവിശേഷ പരിഗണന അര്‍ഹിക്കുന്നവരുടെ ഇന്‍ക്ലുസീവ് സ്‌പോര്‍ടസിലൂടെയാണ്. ഇതിന്റെ കായിക, അത്ലറ്റിക്സ് മത്സരങ്ങള്‍ പൂര്‍ത്തിയാകുമ്പോള്‍ തിരുവനന്തപുരം ഓവറോള്‍ ചാമ്പ്യന്‍മാരായി.
70 പോയിന്റുകള്‍ നേടിയാണ് തിരുവനന്തപുരം ജില്ല ഓവറോള്‍ ചാമ്പ്യന്‍ഷിപ്പ് കരസ്ഥമാക്കിയത്. 54 പോയിന്റുകളോടെ പാലക്കാട് ജില്ല രണ്ടാം സ്ഥാനവും 40 പോയിന്റുകളുമായി കോഴിക്കോട് ജില്ല മൂന്നാം സ്ഥാനവും നേടി. പെണ്‍കുട്ടികള്‍ക്കുള്ള ഹാന്‍ഡ് ബോള്‍, ആണ്‍കുട്ടികള്‍ക്കുള്ള ഫുട്‌ബോള്‍, മിക്‌സഡ് ബാഡ്മിന്റന്‍ , 4-100 മീറ്റര്‍ മിക്‌സഡ് റിലേ, കാഴ്ച പരിമിതര്‍ക്കുള്ള 100 മീറ്റര്‍ ഓട്ടം, മിക്‌സഡ് സ്റ്റാന്‍ഡിംഗ് ബ്രോഡ് ജംബ്, മിക്‌സഡ് സ്റ്റാന്‍ഡിംഗ് ത്രോ എന്നീ ഇനങ്ങളിലായി 14 ജില്ലകളില്‍ നിന്നുള്ള 1600 ലധികം കായിക താരങ്ങളാണ് മാറ്റുരച്ചത്. തിരുവനന്തപുരം ജില്ലയില്‍ നിന്നുള്ള ടീമിന് ഫുട്‌ബോള്‍ മത്സരത്തില്‍ ഒന്നാം സ്ഥാനം നേടാനായില്ലെങ്കിലും മത്സരിച്ച മാറ്റിനങ്ങളില്‍ മികച്ച പ്രകടനമാണ് കാഴ്ചവെക്കാനായത്.
പ്രതികരിക്കാൻ ഇവിടെ എഴുതുക: