പാലക്കാട്: പാലക്കാട് ഉപതെരഞ്ഞെടുപ്പിനായി ഷാഫി പറമ്പില് എംപിയുടെ നേതൃത്വത്തില് കോണ്ഗ്രസ് വ്യാപകമായി കള്ളപ്പണം ഉപയോഗിക്കുന്നുവെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്.
ഹോട്ടലില് എല്ലാ മുറികളിലും പൊലീസ് പരിശോധന നടത്തിയില്ല. 40 മുറികളുളളതില് 12 മുറികളില് മാത്രമാണ് പരിശോധന നടന്നത്. ബാക്കി മുറികളില് പരിശോധന നടത്താന് യുഡിഎഫ് നേതാക്കള് അനുവദിച്ചില്ല.
വ്യാജ തിരിച്ചറിയല് കാര്ഡ് കേസിലെ പ്രതി പണം എത്തിച്ചെന്നാണ്് മൊഴിയുളളത്. എന്നാല് ദൃക്സാക്ഷികളുടെ മൊഴി രേഖപ്പെടുത്താത്തത് സംശയാസ്പദമാണ്. കളളപ്പണം സുരക്ഷിതമായി മറ്റൊരു മുറിയില് സൂക്ഷിക്കാന് അവസരം ഒരുക്കിയത് പൊലീസാണെന്നും സുരേന്ദ്രന് കുറ്റപ്പെടുത്തി.
റെയ്ഡ് വിഷയത്തില് സിപിഎമ്മും ബിജെപിയും എന്തിന് ഗൂഢാലോചന നടത്തണമെന്നും കോണ്ഗ്ര്സിന്റെ ആരോപണം സംബന്ധിച്ച് അദ്ദേഹം ചോദിച്ചു.
