കോട്ടയം: ജനങ്ങളുടെ കോടതിയില്‍ പരാജയപ്പെട്ടതിന് മറ്റുള്ളവരെക്കൊണ്ട് കേസ് കൊടുപ്പിക്കുകയാണ് ജോസ് കെ മാണി ചെയ്യുന്നതെന്ന് മാണി സി കാപ്പന്‍ എംഎല്‍എ. കുറ്റപ്പെടുത്തി. കെ എം മാണിയുടെ അഭ്യര്‍ത്ഥനപ്രകാരം താന്‍ ചെയ്തതുപോലെ അവശേഷിക്കുന്ന കേസ് കൂടി പിന്‍വലിക്കാന്‍ ജോസ് കെ മാണി തയ്യാറാക്കണമെന്ന് കാപ്പന്‍ ആവശ്യപ്പെട്ടു. ഞാന്‍ മത്സരിക്കുമ്പോള്‍ എന്നെ അപമാനിച്ച് പത്രം ഇറക്കി. ഇതിനെതിരെ കേസ് കൊടുത്തു. പിന്നീട് കെഎം മാണി അഭ്യര്‍ത്ഥിച്ചപ്പോള്‍ താന്‍ കേസ് പിന്‍വലിച്ചുവെന്ന് അദ്‌ദേഹം പറഞ്ഞു.
പാല നിയോജകമണ്ഡലത്തിലെ മാണി സി കാപ്പന്റെ തെരഞ്ഞെടുപ്പ് വിജയം ചോദ്യംചെയ്ത് നല്‍കിയ ഹര്‍ജി ഹൈക്കോടതി തള്ളിയതിനോട് പ്രതികരിക്കുകയായിരുന്നു കാപ്പന്‍. സ്വതന്ത്ര സ്ഥാനാര്‍ഥിയായിരുന്ന സി വി ജോണ്‍ ആണ് ഹര്‍ജി നല്‍കിയത്. 2021 ലെ നിയമസഭ തിരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥിയായിരുന്ന കാപ്പന്‍ ഇടതുമുന്നണിയിലെ ജോസ് കെ മാണിയെ 15378 വോട്ടിനാണ് പരാജയപ്പെടുത്തിയത്. ജോസ് കെ മാണിയെ അപമാനിച്ചുവെന്ന ഒരു കേസ് കൂടി മാണി സി കാപ്പിനെതിരെ നിലവിലുണ്ട്.
Thursday, November 21, 2024
ജനങ്ങളുടെ കോടതിയില്‍ പരാജയപ്പെട്ടതിന് കേസ് കൊടുപ്പിക്കുകയാണ് ജോസ് കെ മാണിയെന്ന് മാണി സി കാപ്പന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: