തിരുവനന്തപുരം: കൂച്ച് ബിഹാര് അണ്ടര് 19 ക്രിക്കറ്റ് ടൂര്ണമെന്റിനുള്ള കേരള ടീമിനെ പ്രഖ്യാപിച്ചു. അഹമ്മദ് ഇമ്രാന് ടീം ക്യാപ്റ്റനാകും. പ്രഥമ കേരള ക്രിക്കറ്റ് ലീഗിലെ എമേര്ജിംഗ് പ്ലേയര് ആയി തെരഞ്ഞെടുത്ത താരമായിരുന്നു അഹമദ് ഇമ്രാന്. എലൈറ്റ് ഗ്രൂപ്പ് ഇയില് ഉള്പ്പെട്ടിരിക്കുന്ന കേരളത്തിന്റെ എതിരാളികള് മഹാരാഷ്ട്ര, ബീഹാര്, ജാര്ഖണ്ഡ്, രാജസ്ഥാന്, ആസാം ടീമുകളാണ്.
നാളെയാണ് കേരളത്തിന്റെ ആദ്യ മത്സരം. മഹാരാഷ്ട്രയിലെ സോളാപൂരില് നടക്കുന്ന മത്സരത്തില് കേരളം മഹാരാഷ്ട്രയെ നേരിടും. 13ന് തിരുവനന്തപുരത്ത് മംഗലപുരം ഗ്രൗണ്ടിലെ പോരാട്ടത്തില് ബീഹാറുമായി ഏറ്റുമുട്ടും. 20ന് രാജസ്ഥാനെയും 28ന് അസാമിനെയും നേരിടുന്ന കേരളം അടുത്ത മാസം ആറിന് ഗ്രൂപ്പ് ലെവലിലെ അവസാന മത്സരത്തിനിറങ്ങും. ജാര്ഖണ്ഡ് ആയിരിക്കും എതിരാളികള്. കേരള രഞ്ജി ടീം അസി. കോച്ച് ആയിരുന്ന എം.രാജഗോപാലാണ് കേരളത്തിന്റെ മുഖ്യപരിശീലകന്.
ടീം: അഹമ്മദ് ഇമ്രാന്(ക്യാപ്റ്റന്),അല്ത്താഫ് എസ്, ആദിത്യ ബൈജു, എബിന് ജെ. ലാല്, അക്ഷയ് എസ്.എസ്(വിക്കറ്റ് കീപ്പര്), അഹമ്മദ് ഖാന് ജെ, മുഹമ്മദ് ജസീല് ടിഎം, മുഹമ്മദ് ഇനാന്, എസ്.സൗരഭ്, രോഹിത് കെ.ആര്, അദ്വൈത് പ്രിന്സ്, തോമസ് മാത്യു, കെവിന് പോള് നോബി, കാര്ത്തിക് പി, ശ്രീഹരി അനീഷ്.
