കോട്ടയം: ഭാര്യയെയും ഭാര്യാ മാതാവിനെയും കൊലപ്പെടുത്തിയ യുവാവ് അറസ്റ്റില്. ശിവപ്രിയ (30), മാതാവ് ഗീത (58) എന്നിവരെ കൊലപ്പെടുത്തിയ നിതീഷിനെയാണ് പൊലീസ് അറസ്റ്റ് ചെയ്തത്.
ഭാര്യയെ കുത്തിയും അമ്മയെ ശ്വാസംമുട്ടിച്ചുമാണ് കൊലപ്പെടുത്തിയത്.
വൈക്കം മറവന്തുരുത്തിയിലാണ് സംഭവം. കൊലപാതകത്തിന് ശേഷം നിതീഷ് പൊലീസ് സ്റ്റേഷനില് കീഴടങ്ങുകയായിരുന്നു.നിതീഷ് -ഗീത ദമ്പതികളുടെ നാല് വയസുളള കുട്ടിയെ കൊലപാതകത്തിന് ശേഷം നിതീഷ് സ്വന്തം വീട്ടില് കൊണ്ടാക്കിയിരുന്നു.ഇതിന് ശേഷമാണ് കീഴടങ്ങിയത്. ഇതോടെയാണ് കൊലപാതക വിവരം പുറത്തറിഞ്ഞത്.
തിങ്കളാഴ്ച വൈകിട്ട് ഏഴ് മണിയോടെയാണ് നാടിനെ നടുക്കിയ കൊലപാതകം നടന്നത്.വൈക്കത്തെ ശിവപ്രിയയുടെ വീട്ടില് വച്ചാണ് നിതീഷ് കൊലപാതകം നടത്തിയത്.
കുടുംബ പ്രശ്നങ്ങളാണ് കൊലപാതകത്തില് കലാശിച്ചത്. മൃതദേഹം പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി.
