ചെന്നൈ : സുനാമി പോലെ ബിജെപി കരുത്താർജ്ജിക്കുകയാണെന്ന് വ്യക്തമാക്കി നടിയും ബിജെപി നേതാവുമായ നമിത. തമിഴ് നടൻ വിജയ്‌യുടെ രാഷ്‌ട്രീയ പ്രവേശനത്തിനെ ഭയക്കുന്നില്ലെന്നും അവർ പറഞ്ഞു.
വിജയ്‌യുടെ വരവിൽ ഒരു ആശങ്കയും ഇല്ലെന്ന് പറഞ്ഞ നമിത 2026ൽ തമിഴ്നാട് മുഖ്യമന്ത്രിയാവുക എന്നത് വിജയ്‌യുടെ നടക്കാത്ത സ്വപ്നമാണെന്നും നമിത പരിഹസിച്ചു. കൂടാതെ പാർട്ടി രൂപീകരിച്ച് ഒന്നര വർഷത്തിനുള്ളിൽ മുഖ്യമന്ത്രിയാകുമെന്ന വിജയിയുടെ അവകാശവാദം തികച്ചും പരിഹാസമാണെന്നും നമിത പ്രമുഖ മാധ്യമത്തോട് പറഞ്ഞു.
അതേ സമയം തമിഴ്നാട്ടിൽ ബിജെപിയുടെ വളർച്ച അതിവേഗമാണ് നടന്നുകൊണ്ടിരിക്കുന്നത്. ടിവികെ സമ്മേളനത്തിലെ ആൾക്കൂട്ടവും വിജയുടെ തീപ്പൊരി പ്രസംഗവും തങ്ങൾ പരിഗണിക്കുന്നില്ലെന്നും നമിത വ്യക്തമാക്കി.
പ്രതികരിക്കാൻ ഇവിടെ എഴുതുക: