പത്തനംതിട്ട: എഡിഎം നവീന് ബാബുവിന്റെ മരണത്തില് കണ്ണൂര് മുന് ജില്ലാ പഞ്ചായത്ത് പ്രസിഡന്റ് പി പി ദിവ്യയുടെ പ്രസംഗം ചിത്രീകരിച്ച് പ്രചരിപ്പിച്ച മാധ്യമങ്ങളെ വിമര്ശിച്ച് സിപിഎം പത്തനംതിട്ട ജില്ലാ സെക്രട്ടറി കെ പി ഉദയഭാനു. ഈ മാധ്യമങ്ങള്ക്കെതിരെയും കേസെടുക്കണമെന്ന് അദ്ദേഹം ആവശ്യപ്പെട്ടു.
ദിവ്യ വിളിച്ചാല് മാധ്യമങ്ങള് പോകാന് പാടില്ലായിരുന്നു. ദിവ്യ പരിപാടിയുടെ സംഘാടകയല്ലായിരുന്നു എന്നും അദ്ദേഹം പത്തനംതിട്ടയില് മാധ്യമപ്രവര്ത്തകരോട് പറഞ്ഞു.
കണ്ണൂര് കളക്ടര്ക്കെതിരെ കുടുംബത്തിന് നേരത്തെ തന്നെ പരാതിയുണ്ട്. പി പി ദിവ്യക്കെതിരെ കൂടുതല് നടപടി വേണ്ടെന്ന് പാര്ട്ടി തീരുമാനിച്ചിട്ടില്ലെന്നും അതൊക്കെ പാര്ട്ടിയുടെ ആഭ്യന്തര കാര്യമാണെന്നും കെ പി ഉദയഭാനു പറഞ്ഞു. എഡിഎമ്മിന്റെ മരണത്തില് കളക്ടറുടെ പങ്ക് സംബന്ധിച്ച് സംസ്ഥാന സര്ക്കാര് അന്വേഷിച്ച് തീരുമാനമെടുക്കും.
