മലപ്പുറം:മുസ്ലിം ലീഗ് അധ്യക്ഷന്‍ പാണക്കാട് സാദിഖലി ശിഹാബ് തങ്ങള്‍ക്ക് നേരെ വിമര്‍ശനം ഉയര്‍ത്തിയ സമസ്ത മുശാവറ അംഗം ഉമര്‍ ഫൈസിക്ക് മറുപടിയുമായി എടവണ്ണപ്പാറയില്‍ എസ്‌വൈഎസ് സമസ്ത ആദര്‍ശ സമ്മേളനം. സമസ്തയില്‍ നിന്ന് ഉമര്‍ ഫൈസിയെ മാറ്റിനിര്‍ത്തണമെന്ന് എസ്‌വൈഎസ് സംസ്ഥാന ഉപാധ്യക്ഷന്‍ റഹ്മാന്‍ ഫൈസി പറഞ്ഞു.
ഉമര്‍ ഫൈസിയെ മാറ്റി നിര്‍ത്തി സമസ്തയെ ശുദ്ധീകരിക്കണം. പാണക്കാട് കുടുംബത്തെ സമൂഹത്തില്‍ നിന്ന് അടര്‍ത്തി മാറ്റാനുള്ള ശ്രമം ഗൂഢാലോചനയാണ്. സമസ്തയും മുസ്ലീം ലീഗും തമ്മിലുള്ള ബന്ധം തകര്‍ക്കാനാണ് ഉമര്‍ ഫൈസിയുടെ ശ്രമമെന്നും റഹ്മാന്‍ ഫൈസി കുറ്റപ്പെടുത്തി.
സിപിഎമ്മിന് വേണ്ടി സമാന്തര പ്രവര്‍ത്തനമാണ് ഉമര്‍ ഫൈസി നടത്തുന്നത്. ആര്‍എസ്എസിനെ പ്രതിരോധിക്കാന്‍ സിപിഎമ്മിനെ കഴിയൂ എന്നാണ് ലോക്‌സഭാ തെരഞ്ഞെടുപ്പ് സമയത്ത് ഉമര്‍ ഫൈസി പറഞ്ഞതെന്ന് എസ്.വൈ.എസ് സംസ്ഥാന സെക്രട്ടറി അബ്ദുള്‍ സമദ് പൂക്കോട്ടൂര്‍ ചൂണ്ടിക്കാട്ടി.
സാദിഖലി ശിഹാബ് തങ്ങള്‍ക്ക് ഖാസി ആകാന്‍ യോഗ്യത ഇല്ലെന്ന് ഉമര്‍ ഫൈസി പറഞ്ഞിരുന്നു.
പ്രതികരിക്കാൻ ഇവിടെ എഴുതുക: