തിരുവനന്തപുരം: ഓട്ടോറിക്ഷയില് കടത്തിയ 20.1 കിലോഗ്രാം കഞ്ചാവുമായി മൂന്ന് യുവാക്കള് പിടിയിലായി. തിരുവനന്തപുരം പുഞ്ചക്കരി സ്വദേശികളായ മഹേഷ്, ശംഭു, അനീഷ് എന്നിവരെയാണ് കഞ്ചാവുമായി പിടികൂടിയത്.
സ്റ്റേറ്റ് എക്സൈസ് എന്ഫോഴ്സ്മെന്റ് സ്ക്വാഡ് തലവനായ എക്സൈസ് സര്ക്കിള് ഇന്സ്പെക്ടര് ജി കൃഷ്ണകുമാറിന്റെ നേതൃത്വത്തിലുള്ള എക്സൈസ് സംഘമാണ് യുവാക്കളെ കഞ്ചാവുമായി പിടികൂടിയത്. സ്റ്റേറ്റ് സ്ക്വാഡിലെ ഉദ്യോഗസ്ഥരും തിരുവനന്തപുരം സ്പെഷ്യല് സ്ക്വാഡ് സര്ക്കിള് ഇന്സ്പെക്ടര് എ പി ഷാജഹാനും സംഘത്തിലുണ്ടായിരുന്നു.
പിടിയിലായ ശംഭു, അനീഷ് എന്നിവരുടെ പേരില് നിരവധി ക്രിമിനല് കേസുകളുണ്ട്. കൂടുതല് അന്വേഷണം നടക്കുന്നു.
