കൊച്ചി: ഡെങ്കിപ്പനിക്കെതിരെ തദ്ദേശീയമായി വികസിപ്പിച്ച ‘ഡെങ്കി ഓള്‍’ വാക്‌സിന്റെ പരീക്ഷണം ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്റെ നേതൃത്വത്തില്‍ അമൃതയില്‍ ആരംഭിച്ചു. രാജ്യത്ത് ആദ്യമായാണ് ഡെങ്കിപ്പനിക്കെതിരായുള്ള വാക്സിന് മൂന്നാമത്തെ പരീക്ഷണ ഘട്ടത്തില്‍ എത്തുന്നത്. അമൃത ആശുപത്രിയിലെ കമ്മ്യൂണിറ്റി മെഡിസിന്‍, മൈക്രോബയോളജി, ജനറല്‍ മെഡിസിന്‍ വിഭാഗങ്ങളുടെ നേതൃത്വത്തില്‍ കലൂരിലുള്ള അമൃത അര്‍ബന്‍ ഹെല്‍ത്ത് സെന്ററിലാണ് വാക്‌സിന്റെ പരീക്ഷണങ്ങള്‍ നടക്കുന്നത്.
ഐസിഎംആര്‍, വാക്സിന് നിര്‍മാതാക്കളായ പാനേഷ്യ ബയോടെക്കുമായി ചേര്‍ന്ന് രാജ്യത്തുടനീളം 19 കേന്ദ്രങ്ങളിലായി 10,335 വ്യക്തികളിലാണ് വാക്‌സിന്റെ പ്രവര്‍ത്തനം പഠനവിധേയമാക്കുന്നത്. ഡെങ്കിപ്പനിയെ ചെറുക്കാന്‍ ശേഷിയുള്ള വാക്സിന് വികസിപ്പിക്കുകയാണ് പ്രധാന വെല്ലുവിളിയെന്ന് കമ്യൂണിറ്റി മെഡിസിന്‍ വിഭാഗം അസോ. പ്രൊഫ. ഡോ. ടീന മേരി ജോയ് പറഞ്ഞു. ഭാരതത്തില്‍ രോഗത്തിന്റെ എല്ലാ വകഭേദങ്ങളും കാണപ്പെടുന്നു. നിലവില്‍ പരീക്ഷണ ഘട്ടത്തിലുള്ള ‘ഡെങ്കി ഓള്‍’ വാക്സിന് എല്ലാ ഡെങ്കി വകഭേദങ്ങള്‍ക്കും ഫലപ്രദമാണെന്ന് ആദ്യ രണ്ടു പരീക്ഷണങ്ങളില്‍ കണ്ടെത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: