വിവേകാനന്ദപ്പാറയെയും തിരുവള്ളുവർ പ്രതിമയെയും ബന്ധിപ്പിക്കുന്ന കണ്ണാടിപ്പാലം ; നിർമാണം അന്തിമ ഘട്ടത്തിലേക്ക്

കന്യാകുമാരി ; വിവേകാനന്ദപ്പാറയെയും തിരുവള്ളുവർ പ്രതിമയെയും ബന്ധിപ്പിച്ചു കടലിൽ നിർമിക്കുന്ന കണ്ണാടിപ്പാലത്തിന്റെ നിർമാണം അന്തിമ ഘട്ടത്തിലേക്ക്. ഡിസംബറിനുള്ളിൽ പൂർത്തിയാക്കി ഉദ്ഘാടനം ചെയ്യാനാണ് നീക്കം .77 മീറ്റർ നീളവും 10 മീറ്റർ വീതിയിലുമായാണ് പാലം നിർമിക്കുന്നത്.

37 കോടി രൂപ ചെലവിൽ നിർമ്മിക്കുന്ന പാലം പൂർ‍ത്തിയാകുന്നതോടെ വിവേകാനന്ദപ്പാറയിൽ നിന്നു നടന്ന് തിരുവള്ളുവർ പ്രതിമയിലേക്ക് എത്താൻ കഴിയും. .തമിഴ്നാട് പൊതുമരാമത്ത് വകുപ്പിന്റെ മേൽനോട്ടത്തിൽ ചെന്നൈയിലെ വിഎംഇ പ്രീകാസ്റ്റ് പ്രോ‍ഡക്ട്സ് കമ്പനിക്കാണ് നിർമാണച്ചുമതല. ഇരുഭാഗത്തെയും ബന്ധിപ്പിച്ച് സ്റ്റീൽ മേൽക്കൂര സ്ഥാപിക്കുന്ന പണികളാണ് നടക്കുന്നത്.തുടർന്ന് സ്റ്റീൽ പ്ലാറ്റ്ഫോം സ്ഥാപിച്ച് ഗ്ലാസ് പാളികൾ സ്ഥാപിക്കും

വിവേകാനന്ദ പാറയ്‌ക്കു സമീപം 33.80 കോടി രൂപ ചെലവിൽ 100 മീറ്റർ നീളത്തിൽ പണിതു വരുന്ന ബോട്ട്ജെട്ടിയുടെ പണിയും പുരോഗമിക്കുന്നുണ്ട്. നിർമാണം പൂർത്തിയായാൽ 3 ബോട്ടുകൾക്ക് ഒരേ സമയം വന്നു നിൽക്കാൻ സാധിക്കും. 2025 ജനുവരിക്കുള്ളിൽ ഇതിന്റെ പണികൾ പൂർത്തിയാകും.