ശുചീകരണത്തിനായി അഴുക്കു ചാലിൽ ഇറങ്ങി ; വിഷവാതകം ശ്വസിച്ച് മൂന്ന് തൊഴിലാളികൾ മരിച്ചു

ജയ്പൂർ : ശുചീകരണത്തിനായി അഴുക്കു ചാലിൽ ഇറങ്ങിയ മൂന്ന് തൊഴിലാളികൾ മരിച്ചു. രാജസ്ഥാനിലെ സിക്കാർ ജില്ലയിലെ ഫത്തേപൂർ ഷെഖാവതിയിലാണ് സംഭവം. വിഷവാതകം ശ്വസിച്ചാണ് മരണമെന്നാണ് സൂചന . ആദ്യം ഇറങ്ങിയ തൊഴിലാളിയെ കാണാതായപ്പോൾ രക്ഷിക്കാനിറങ്ങിയതാണ് മറ്റ് രണ്ട് പേരും .

ജീവൻ നഷ്ടപ്പെട്ട മൂന്ന് ശുചീകരണ തൊഴിലാളികൾ വാൽമീകി സമുദായത്തിൽപ്പെട്ടവരും ഫത്തേപൂർ സ്വദേശികളുമാണ്.വാർഡ്-2 വിലെ മസ്ജിദിന് മുന്നിൽ മലിനജലം കെട്ടിക്കിടക്കുന്നതായി പരാതി ലഭിച്ചതിനെ തുടർന്നാണ് ശുചീകരണ തൊഴിലാളികൾ അഴുക്കുചാല് വൃത്തിയാക്കാനെത്തിയത്.

ശുചീകരണത്തൊഴിലാളികൾ അഴുക്കുചാലിൽ നിന്ന് പുറത്തേക്ക് വരാത്തതിനെ തുടർന്ന് സമീപത്തുള്ളവർ ഏറെ സാഹസികമായി മൂവരെയും പുറത്തെടുത്തപ്പോഴേക്കും മരണം സംഭവിച്ചിരുന്നു.