ഗുരുവായൂര്‍: ഗുരുവായൂര്‍ ക്ഷേത്ര പ്രവേശന സത്യാഗ്രഹ സ്മാരക സമിതിയുടെ 2023 ലെ കേളപ്പജി പുരസ്‌കാരത്തിന് മാതൃഭൂമി ചെയര്‍മാനും, മാനേജിങ്ങ് എഡിറ്ററുമായ പി.വി. ചന്ദ്രനെ തിരഞ്ഞെടുത്തു.
ദേശീയ പ്രസ്ഥാനവുമായി ചേര്‍ന്ന് രാഷ്‌ട്രീയ-സാമൂഹ്യ-സാംസ്‌ക്കാരിക നവോത്ഥാനത്തിന് നേതൃത്വം കൊടുത്ത്, വാണിജ്യ-സേവന രംഗത്തെ ശക്തമായ സാന്നിധ്യമെന്ന നിലയിലും അരനൂറ്റാണ്ടിലേറെ കാലമായി പി.വി. ചന്ദ്രന്റെ അടയാളപ്പെടുത്തലുകള്‍ നിസ്തുലമാണെന്ന് പുരസ്‌കാര നിര്‍ണ്ണയ സമിതി അംഗങ്ങളായ ഡോ. എം. ലീലാവതി, സി. രാധാകൃഷ്ണന്‍, ഡോ. പി.വി. കൃഷ്ണന്‍ നായര്‍ എന്നിവര്‍ വിലയിരുത്തി.
11111 രൂപയും, പ്രശസ്തി പത്രവും, പൊന്നാടയുമടങ്ങുന്ന പുരസ്‌കാരം, ഗുരുവായൂര്‍ സത്യാഗ്രഹത്തിന്റെ 93-ാം വാര്‍ഷികത്തോടനുബന്ധിച്ച് നവംബര്‍ 2ന് ഗുരുവായൂരില്‍ സംഘടിപ്പിയ്‌ക്കുന്ന ചടങ്ങില്‍ സമ്മാനിയ്‌ക്കുമെന്ന് ഗുരുവായൂര്‍ ക്ഷേത്ര പ്രവേശന സത്യാഗ്രഹ സ്മാരക സമിതി ചെയര്‍മാന്‍ മൗനയോഗി ഡോ. എ. ഹരിനാരായണനും, കണ്‍വീനര്‍ ഷാജു പുതൂരും അറിയിച്ചു.
പ്രതികരിക്കാൻ ഇവിടെ എഴുതുക: