കൊച്ചി: കിഫ്ബി മസാല ബോണ്ട് കേസില്‍ മുന്‍ ധനമന്ത്രി ഡോ. തോമസ് ഐസക്കിനെതിരെ പ്രധാന തെളിവുകള്‍ ശേഖരിച്ച് എന്‍ഫോഴ്‌സ്‌മെന്റ് ഡയറക്ടറേറ്റ്. വിദേശത്ത് നിന്നും മസാല ബോണ്ട് പുറപ്പെടുവിച്ച തീരുമാനത്തിന്റെ പ്രധാന പങ്കാളി ഐസക്കാണെന്ന് വ്യക്തമാക്കുന്ന രേഖകളും മൊഴികളുമാണ് അന്വേഷണ സംഘത്തിന് ലഭിച്ചിട്ടുള്ളത്.
ചോദ്യം ചെയ്യലിനെത്താന്‍ എട്ടുതവണ സമന്‍സ് അയച്ചിട്ടും തോമസ് ഐസക് ഒരു തവണ പോലും ഹാജരായില്ല. അന്വേഷണം ഒഴിവാക്കണമെന്നാവശ്യപ്പെട്ടുള്ള തോമസ് ഐസക്കിന്റെ ഹര്‍ജി ഹൈക്കോടതിയുടെ പരിഗണനയിലാണ്. ഏപ്രില്‍ രണ്ടിന് ഹാജരാകാനായിരുന്നു ഒടുവില്‍ സമന്‍സ്. ലോക്സഭാ തെരഞ്ഞെടുപ്പില്‍ സ്ഥാനാര്‍ത്ഥിയായതിനാല്‍ അന്ന് ചോദ്യം ചെയ്യലൊഴിവാക്കാന്‍ ഹൈക്കോടതിയും നിര്‍ദേശിച്ചിരുന്നു.
ധനമന്ത്രി എന്ന നിലയില്‍ കിഫ്ബിയുടെ വൈസ് ചെയര്‍മാനും എക്സിക്യൂട്ടീവ് കമ്മിറ്റി ചെയര്‍മാനുമായിരുന്നു തോമസ് ഐസക്. വിദേശത്ത് മസാല ബോണ്ട് പുറപ്പെടുവിച്ചതിലൂടെ 2150 കോടിയാണ് സമാഹരിച്ചത്.
100 കോടി വരെ ചെലവ് വരുന്ന പദ്ധതികള്‍ക്ക് എക്സിക്യുട്ടീവ് കമ്മിറ്റിയും ഇതിലധികം തുക അനുവദിക്കേണ്ട പദ്ധതികള്‍ക്ക് ജനറല്‍ ബോഡിയുമാണ് അനുമതി നല്കിയിരുന്നതെന്നായിരുന്നു കിഫ്ബിയുടെ വിശദീകരണം.
ഗവേണിങ് ബോഡിയുടെയും എക്സിക്യൂട്ടീവ് കമ്മിറ്റികളുടെയും വിവരങ്ങളും പൂര്‍ണമായും ഇഡി ശേഖരിച്ചിട്ടുണ്ട്. ഇഡിക്ക് മുന്നില്‍ ഹാജരാകാന്‍ ബാധ്യതയില്ലെന്നാണ് ഐസക്കിന്റെ വാദം.
കേസ് കോടതിയുടെ പരിഗണനയിലായതിനാലാണ് കടുത്ത നടപടികളില്‍ നിന്ന് ഇ ഡി പിന്തിരിയുന്നത്. കേസ് ഹൈക്കോടതി വീണ്ടും പരിഗണിക്കാനിരിക്കുകയാണ്. കോടതി നി
ര്‍ദേശങ്ങളനുസരിച്ചാകും തുടര്‍ നീക്കങ്ങളെന്നാണ് വിവരം.
പ്രതികരിക്കാൻ ഇവിടെ എഴുതുക: