കൊച്ചി: ബിഎസ്എന്എലിന്റെ 25-ാമത് സ്ഥാപകദിന വാര്ഷികത്തോടനുബന്ധിച്ചു എറണാകുളം ബിസിനസ് ഏരിയയുടെ നേതൃത്വത്തില് മിനി മാരത്തോണ് സംഘടിപ്പിച്ചു. എറണാകുളം ദര്ബാര് ഹാള് ഗ്രൗണ്ടില് നിന്ന് രാവിലെ ആറിന് ആരംഭിച്ച മാരത്തോണ് 10 കിലോമീറ്റര്, അഞ്ച് കിലോമീറ്റര് എന്നീ വിഭാഗങ്ങളില് പുരുഷന്മാര്ക്കും വനിതകള്ക്കും 50 വയസിന് മുകളിലും താഴെയുമുള്ള വിവിധ വിഭാഗങ്ങളിലായിരുന്നു മത്സരം.
പത്തു കിലോമീറ്റര് മത്സരം ഒളിംപ്യന് സാജന് പ്രകാശും, അഞ്ച് കിലോമീറ്റര് മത്സരം ബിഎസ്എന്എല് കേരള സര്ക്കിള് ചീഫ് ജനറല് മാനേജര് ബി. സുനില്കുമാറും ഫഌഗ് ഓഫ് ചെയ്തു. ബിഎസ്എന്എല് ഉദ്യോഗസ്ഥര്ക്ക് പുറമേ എഴുന്നൂറ്റിയമ്പതോളം പേര് മാരത്തണില് പങ്കെടുത്തു.
50 വയസിനു താഴെ 10 കിലോമീറ്റര് വിഭാഗത്തില് അരുണ് കെ, റീബ അന്ന ജോര്ജ്, അഞ്ച് കിലോമീറ്റര് വിഭാഗത്തില് മനോജ്, അഞ്ജു മുരുകന്, 50 വയസിനു മുകളില് 10 കിലോമീറ്റര് വിഭാഗത്തില് സാബു പോള്, രമ എ.കെ, അഞ്ച് കിലോമീറ്റര് വിഭാഗത്തില് ഉബൈദ് കെ.എച്ച്, സുലത കമ്മത്ത് എന്നിവര് ഒന്നാം സ്ഥാനം നേടി.
ഒളിമ്പ്യന് സാജന് പ്രകാശ്, ബിഎസ്എന്എല് കേരള ചീഫ് ജിഎം ബി. സുനില്കുമാര്, കേരള ടെലികോം അഡീ. ഡയറക്ടര് ജനറല് ശോഭന വി., എറണാകുളം ബിസിനസ് ഏരിയ പ്രിന്സിപ്പല് ജിഎം വി. സുരേന്ദ്രന്, ബി എസ് എന് എല് കേരള സര്ക്കിള് മൊബൈല് സര്വീസ് പ്രിന്സിപ്പല് ജിഎം ഡോ. കെ. ഫ്രാന്സിസ് ജേക്കബ് എന്നിവര് സമ്മാനദാനം നിര്വഹിച്ചു.
