സുഗന്ധവ്യഞ്ജനങ്ങളില് ഏറ്റവും പ്രധാനമാണ് ഗ്രാമ്പു. കറികളില് ഉള്പ്പെടെ ഇത് ഉപയോഗിക്കാറുണ്ട്. എന്നാല് അതിന്റെ ഔഷധ പ്രാധാന്യത്തെ പറ്റി ഓര്ക്കാറില്ല എന്നത് പോലെ തന്നെ വലിയ ധാരണയുമില്ലെന്നതാണ് സത്യം. ഗ്രാമ്പുവിന്റെ ഇല, മൊട്ട്, തൊലി, വേര് എന്നിവയെല്ലാം ഔഷധഗുണമുള്ളവയാണ്.
ആന്റിഓക്സിഡന്റുകളാല് സമ്പന്നമായ ഗ്രാമ്പുവിന് ആന്റിമൈക്രോബയല്, ആന്റിഫംഗല് ഗുണങ്ങളും ഉണ്ട്. ?ഗ്രാമ്പു തലയോട്ടിയിലെ വീക്കം നിയന്ത്രിക്കുക മാത്രമല്ല, മുടി വളര്ച്ചയെ പ്രോത്സാഹിപ്പിക്കുകയും ചെയ്യുന്നു. ഗ്രാമ്പു തലയോട്ടിയിലെ അസ്വസ്ഥതയും ചൊറിച്ചിലും കുറയ്ക്കുന്നു. ഓക്സിഡേറ്റീവ് സമ്മര്ദ്ദത്തില് നിന്ന് സംരക്ഷിക്കുകയും ഇത് രക്തചംക്രമണം മെച്ചപ്പെടുത്തുന്നതിനും സഹായിക്കും.
2 കപ്പ് തിളപ്പിച്ച വെള്ളത്തില് രണ്ട് ടേബിള്സ്പൂണ് ഗ്രാമ്പൂ ഇടുക. അഞ്ചോ ആറോ മിനുട്ട് നന്നായി തിളപ്പിക്കുക. ശേഷം മൂന്നോ നാലോ മണിക്കൂര് തണുക്കാനായി വയ്ക്കുക. തണുത്ത് കഴിഞ്ഞാല് ഈ ഗ്രാമ്പൂ വെള്ളം ഉപയോഗിച്ച് തല നന്നായി കഴുകുക. ആഴ്ചയില് രണ്ടോ മൂന്നോ തവണ ഇങ്ങനെ ചെയ്യുക.
ഗ്രാമ്പു നിത്യവും ഭക്ഷണത്തില് ഉള്പ്പെടുത്തുന്നത് പ്രതിരോധശേഷി വര്ധിപ്പിക്കും. ഇതിന്റെ ആന്റി വൈറല് ഗുണമാണ് ശരീരത്തിന് പ്രതിരോധ ശേഷി നല്കുന്നത്. ശരീരത്തിലെ വിഷവസ്തുക്കളെ പുറന്തള്ളാനും ഇതിന് കഴിവുണ്ട്.
വയറ്റിലെ പ്രശ്നങ്ങള്ക്ക് ഉത്തമ പരിഹാരമാണ് ഗ്രാമ്പൂ. ഇതില് അടങ്ങിയിട്ടുള്ള പോഷകങ്ങള് ദഹനത്തെ മെച്ചപ്പെടുത്തുകയും കുടലിന്റെ ആരോഗ്യം സംരക്ഷിക്കുകയും ചെയ്യും.
