കൊച്ചി: അനസ്തീഷ്യ ഡോക്ടര്‍മാരുടെ സംഘടനയായ ഇന്ത്യന്‍ സൊസൈറ്റി ഓഫ് അനസ്തീഷ്യോളജിസ്റ്റ് (ഐഎസ്എ) കേരള ചാപ്റ്ററിന്റെ 48-ാമത് സംസ്ഥാന സമ്മേളനം നാളെ മുതല്‍ 20 വരെ കലൂര്‍ ഐഎംഎ ഹൗസില്‍ നടക്കുമെന്ന് ഓര്‍ഗനൈസിങ് കമ്മിറ്റി പ്രസിഡന്റ് ഡോ. കെ.ആര്‍. ഷാജി, സെക്രട്ടറി ഡോ. എസ്.എം. സുരേഷ്, ട്രഷറര്‍ ഡോ. എം. അനീഷ് എന്നിവര്‍ അറിയിച്ചു.
ഭാരതത്തില്‍ നിന്നും വിദേശ രാജ്യങ്ങളില്‍ നിന്നുമടക്കം 800ലധികം വിദഗ്ധ ഡോക്ടര്‍മാര്‍ പങ്കെടുക്കും. അനസ്തീഷ്യ വിഭാഗത്തിലെ വിവിധ വിഷയങ്ങളില്‍ പ്രായോഗിക പരിശീലന ക്ലാസും സമ്മേളനത്തിന്റെ ഭാഗമായി നടക്കും.
19ന് രാവിലെ 10ന് തുടര്‍ വിദ്യാഭ്യാസ പരിപാടി നടക്കും. ഐഎസ്എ മുന്‍ ദേശീയ പ്രസിഡന്റ് ഡോ. ബി. രാധാകൃഷ്ണന്‍ ഉദ്ഘാടനം ചെയ്യും. വൈകിട്ട് 6ന് നടക്കുന്ന യോഗത്തില്‍ കേരള ഹൈക്കോടതി ജഡ്ജി ജസ്റ്റിസ് ദേവന്‍ രാമചന്ദ്രന്‍ സമ്മേളനം ഉദ്ഘാടനം ചെയ്യും. ഐഎസ്എ കേരള പ്രസിഡന്റ് ഡോ. സി.ആര്‍. സെന്‍ അധ്യക്ഷനാകും. കേരള ആരോഗ്യ സര്‍വകലാശാല വിസി ഡോ. മോഹനന്‍ കുന്നുമ്മല്‍ മുഖ്യപ്രഭാഷണം നടത്തും. ഡോ. സുഗു വര്‍ഗീസ്, ഡോ. പോള്‍ ഒ. റാഫേല്‍, ഡോ. ബിനില്‍ ഐസക് മാത്യു, ഡോ. ആരിഫ് തസ്‌ലിം, തുടങ്ങിയവര്‍ സംസാരിക്കും. 20ന് വൈകിട്ട് 4ന് സമാപന സമ്മേളനം നടക്കും.
പ്രതികരിക്കാൻ ഇവിടെ എഴുതുക: