തിരുവനന്തപുരം: എഡിജിപി പി വിജയന് സ്വര്‍ണക്കടത്തില്‍ ബന്ധമുണ്ടെന്ന് എ ഡി ജി പി അജിതകുമാറിനോട് താന്‍ പറഞ്ഞെന്ന വാര്‍ത്ത ശരിയല്ലെന്ന് മലപ്പുറം മുന്‍ എസ് പി സുജിത്ദാസ്. എഡിജിപി അജിത് കുമാറിന്റെ മൊഴി വാസ്തവ വിരുദ്ധമാണ്.
താന്‍ അങ്ങനെ പറഞ്ഞു എന്ന തരത്തില്‍ അന്വേഷണ റിപ്പോര്‍ട്ടില്‍ എംആര്‍ അജിത് കുമാര്‍ പറഞ്ഞിട്ടുണ്ടെങ്കില്‍ അത് തെറ്റാണ്. പിടിക്കുന്ന സ്വര്‍ണം കസ്റ്റംസിന് കൈമാറാന്‍ ഒരു ഉദ്യോഗസ്ഥനും തന്നോട് പറഞ്ഞിട്ടില്ലെന്ന് സുജിത് ദാസ് വെളിപ്പെടുത്തി.
കരിപ്പൂര്‍ സ്വര്‍ണക്കടത്തില്‍ പി വിജയന് ബന്ധമുണ്ടെന്ന് മുന്‍ എസ്പി സുജിത് ദാസ് തന്നോട് പറഞ്ഞിട്ടുണ്ടെന്നാണ് എംആര്‍ അജിത്കുമാര്‍ ഡിജിപിക്ക് നല്‍കിയ മൊഴിയിലുളളത്. സര്‍ക്കാര്‍ നിയമസഭയില്‍ വച്ച ഡി ജി പിയുടെ അന്വേഷണ റിപ്പോര്‍ട്ടിലാണ് ഈ വിവരമുളളത്.
പ്രതികരിക്കാൻ ഇവിടെ എഴുതുക: