മുംബൈ: മഹാരാഷ്‌ട്ര മുന്‍ മന്ത്രിയും എന്‍സിപി നേതാവുമായ ബാബാ സിദ്ദിഖ് ശനിയാഴ്ച വൈകുന്നേരമാണ് മുംബൈയില്‍ വച്ച് വെടിയേറ്റ് കൊല്ലപ്പെട്ടത്.
രാഷ്‌ട്രീയത്തിനുപുറമെ ബാബ സിദ്ദിഖ് ബോളിവുഡുമായുള്ള അടുത്ത ബന്ധത്തിനും പേരുകേട്ട ആളാണ്. പ്രത്യേകിച്ച ഷാരൂഖ് ഖാനും സല്‍മാന്‍ ഖാനുമായുള്ള സൗഹൃദം. മുമ്പൊരിക്കല്‍ ഒരു അഭിമുഖത്തിനിടയില്‍ ബാബ സിദ്ദിഖിനെ കുറിച്ച് ഷാരൂഖ് ഖാന്‍ പറഞ്ഞ വാക്കുകളാണ് ഇപ്പോള്‍, സമൂഹമാദ്ധ്യമങ്ങളില്‍ വൈറലാകുന്നത്.
ഒരു സുഹൃത്ത് എന്ന നിലയില്‍ ബാബ സിദ്ദിഖിന് തന്റെ ജീവിതത്തില്‍ പ്രത്യേക സ്ഥാനമുണ്ടെന്നാണ് ഷാരൂഖ് ഖാന്‍ പറയുന്നത്. ബാബ സിദ്ദിഖ് തന്റെ പ്രിയപ്പെട്ട സുഹ!ൃത്തെന്നാണ് ഷാരൂഖ് ഖാന്‍ വീഡിയോയില്‍ പറയുന്നത്. ‘എനിക്ക് നിങ്ങളോട് ഇത് പറയണം, ബാബ സിദ്ദിഖ് എന്റെ സുഹൃത്താണ്, ആലിംഗനത്തിനായി ഞാന്‍ അദ്ദേഹത്തെ പതിവായി കാണാറുണ്ട്. ഈദിനും ഞാന്‍ അദ്ദേഹമൊരുക്കുന്ന വിരുന്നിലും പങ്കെടുക്കാറുണ്ട്.’ ഷാരുഖ് ഖാന്‍ പറഞ്ഞു.
ബാബ സിദ്ദിഖ് നടത്തിയ ഒരു പരിപാടിക്കിടെയായിരുന്നു ബോളിവുഡ് താരങ്ങളായ ഷാരൂഖ് ഖാനും സല്‍മാന്‍ ഖാനും തമ്മിലുള്ള പിണക്കം മാറിയത്. 2013ലായിരുന്നു സംഭവം നടന്നത്. ബാബ സിദ്ദിഖ് സംഘടിപ്പിച്ച ഇഫ്താര്‍ വിരുന്നായിരുന്നു വേദി. ഷാരൂഖ് ഖാനും സല്‍മാന്‍ ഖാനും വിരുന്നിലേക്കും ക്ഷണം.
ഷാരൂഖ് ഖാനും സല്‍മാന്‍ ഖാനും വിരുന്നിലേക്ക് ക്ഷണമുണ്ടായിരുന്നു. 2008ല്‍ നടി കത്രീന കൈഫിന്റെ പിറന്നാള്‍ പാര്‍ട്ടിയിലായിരുന്നു ഇരുവരും അതിന് മുന്‍പ് ഒരുമിച്ചെത്തിയത്. ഈ ആഘോഷച്ചടങ്ങിനിടെ നടന്ന അസ്വാരസ്യങ്ങളാണ് ഇരുവരുടേയും പിണക്കത്തിലേക്ക് വഴിയൊരുക്കിയത്. അന്നൊരു ആലിം?ഗനത്തിലൂടെയാണ് വര്‍ഷങ്ങള്‍ നീണ്ട പിണക്കം ഇരുവരും അവസാനിപ്പിച്ചത്. ചടങ്ങിനെത്തിയ രണ്ടുപേരുടേയും പിണക്കം മാറ്റുന്നതിന് സിദ്ദിഖ് തന്നെയാണ് മുന്‍കൈ എടുത്തത്.
പ്രതികരിക്കാൻ ഇവിടെ എഴുതുക: