ഇരിങ്ങാലക്കുട: മുപ്പത്തിയൊമ്പതാമത് ഡോണ്‍ ബോസ്‌കോ ഇന്റര്‍ സ്‌കൂള്‍ ബാസ്‌കറ്റ്‌ബോള്‍ ചാമ്പ്യന്‍ഷിപ്പില്‍ ഇരട്ട കിരീടം കോഴിക്കോടിന്. ആണ്‍കുട്ടികളില്‍ സില്‍വര്‍ഹില്‍സ് സ്‌കൂളും പെണ്‍കുട്ടികളില്‍ പ്രൊവിഡന്‍സ് സ്‌കൂള്‍ളും ചാമ്പ്യന്മാരായി.
പെണ്‍കുട്ടികളുടെ ഫൈനലില്‍ പ്രൊവിഡന്‍സ് എച്ച്എസ്എസ് കോഴിക്കോട് 63-62ന് ലിറ്റില്‍ ഫഌവര്‍ കോണ്‍വെന്റ് എച്ച്എസ്എസ് കൊരട്ടിയെയും ആണ്‍കുട്ടികളില്‍ സില്‍വര്‍ഹില്‍സ് എച്ച്എസ്എസ് കോഴിക്കോട് 54-24ന് ഗിരിദീപം ബഥനി കോട്ടയത്തെയും പരാജയപ്പെടുത്തി ജേതാക്കളായി.
കേരള ബാസ്‌ക്കറ്റ് ബോള്‍ അസോസിയേഷന്‍ വൈസ് പ്രസിഡന്റും തൃശ്ശൂര്‍ ജില്ലാ ബാസ്‌ക്കറ്റ്‌ബോള്‍ അസോസിയേഷന്‍ പ്രസിഡന്റുമായ ഡോ. രാജു ഡേവിസ് പെരേപ്പാടന്‍ സമ്മാനദാനം നിര്‍വഹിച്ചു.
പ്രതികരിക്കാൻ ഇവിടെ എഴുതുക: