തിരുവനന്തപുരം: കടന്നല് കുത്തേറ്റ് ചികിത്സയിലായിരുന്ന വീട്ടമ്മ മരിച്ചു.അരുവിക്കര മുളയറ സ്വദേശിനി സുശീലയാണ് മരിച്ചത്. തൊഴിലുറപ്പ് ജോലിക്കിടെയാണ് കടന്നല് കുത്തി ഗുരുതരമായി പരിക്കേറ്റത്. തുടര്ന്ന് മെഡിക്കല് കോളേജ് ആശുപത്രിയില് ചികിത്സയിലായിരുന്നു
അരുവിക്കര ഗ്രാമ പഞ്ചായത്തിലെ ഭഗവതിപുരം വാര്ഡില് തൊഴിലുറപ്പ് ജോലിക്കിടെ കഴിഞ്ഞ തിങ്കളാഴ്ചയാണ് സുശീല ഉള്പ്പെടെ ഇരുപതോളം തൊഴിലുറപ്പ് തൊഴിലാളികളെ കടന്നലുകള് കൂട്ടമായി ആക്രമിച്ചത്. കാട് വെട്ടിതെളിക്കുന്നതിനിടെ കടന്നല് കൂട്ടം തൊഴിലാളികളെ കുത്തുകയായിരുന്നു.
ഇതില് 10 പേര് മെഡിക്കല് കോളേജിലും ബാക്കിയുള്ളവര് വെള്ളനാട് ആശുപത്രിയിലും ചികിത്സ തേടി. ഗുരുതരമായി പരിക്കേറ്റ സുശീല തിരുവനന്തപുരം മെഡിക്കല് കോളേജിലെ വെന്റിലേറ്ററിലായിരുന്നു.
ഇന്നലെ വൈകുന്നേരത്തോടെ 62 കാരിയായ സുശീല മരിച്ചു. ഗുരുതരമായി പരുക്കേറ്റ മറ്റൊരാരു വീട്ടമ്മ രഘുവതി മെഡിക്കല് കോളേജില് ചികിത്സയിലാണ്. മറ്റുള്ളവര് ആശുപത്രി വിട്ട് വീടുകളിലെത്തി.
