മഹാരാജ്‌ഗഞ്ച്: പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ ഒരാൾക്ക് പത്ത് വർഷം കഠിന തടവ് ശിക്ഷ വിധിച്ചു. പോക്‌സോ കേസിലെ സ്‌പെഷ്യൽ ജഡ്ജി വിനയ് കുമാർ സിംഗ് ആണ് പ്രതിയായ അലി കുറ്റക്കാരനാണെന്ന് കണ്ടെത്തി ശിക്ഷ വിധിച്ചത്.
ഇതിനു പുറമെ പ്രതിക്ക് 8,000 രൂപ പിഴയും വിധിച്ചു. 2023 ഓഗസ്റ്റ് 18 നാണ് സംഭവം നടന്നതെന്നാണ് പ്രോസിക്യൂഷൻ പറയുന്നത്. കോതിഭർ പോലീസ് സ്റ്റേഷൻ പരിധിയിലാണ് പ്രതി പെൺകുട്ടിയെ ബലാത്സംഗം ചെയ്തത്.
അതിജീവിതയുടെ അമ്മയുടെ പരാതിയുടെ അടിസ്ഥാനത്തിൽ ബലാത്സംഗം, പോക്‌സോ ആക്‌ട് എന്നിവ ഉൾപ്പെടെയുള്ള നിയമത്തിലെ പ്രസക്തമായ വകുപ്പുകൾ പ്രകാരമാണ് അലിയ്‌ക്കെതിരെ കേസെടുത്തത്.
പ്രതികരിക്കാൻ ഇവിടെ എഴുതുക: